Եկել եմ, որ չմտածեն՝ վախեցել եմ, չեմ ներկայացել․ Ռոբերտ Քոչարյան

Քիչ առաջ Ռոբերտ Քոչարյանը ներկայացավ Մարտի 1-ի վերաբացված գործով դատական նիստին։ 

«Հնչեց, որ ես ծանուցվել եմ որպես մեղադրյալ։ Ես խնդրում եմ պարզաբանել, թե ինչու եմ ես մեղադրյալ այս քրեական գործով»,- ասաց ՀՀ 2-րդ նախագահ Ռոբերտ Քոչարյանը։

Ռոբերտ Քոչարյանի փաստաբանական խմբի անդամ Արամ Օրբելյանն էլ նշեց, որ այս գործով իրենց ներկայությունն անիմաստ է․ «Մեզ զեկուցվել է սխալ, այս գործով պաշտպան ես չեմ կարող ներկա գտնվել, Ռոբերտ Քոչարյանը որպես մեղադրյալ չի կարող ներկա լինել»,- ասաց փաստաբանը։ 

Դատավորի դիտարկմանը, թե այդ դեպքում ինչո՞ւ են ներկայացել դատարան, փաստաբանը պատասխանեց․ «Դատարանից ստացել ենք գրություն, հարգելով դատարանին ներկայացել ենք»,- ընդգծեց Օրբելյանը։ 

Դատավորի հարցադրմանն արձագանքեց նաև Ռոբերտ Քոչարյանը՝ նշելով, թե ներկայացել է, որ չկարծեն, թե վախեցել է․ «Ես կարող էի ընդհանրապես չներկայանալ։ Եկել եմ մի նպատակով, որ չմտածեն ես վախեցել եմ, չեմ ներկայացել»,- ասաց 2-րդ նախագահը։ 

Հիշեցնենք, որ վերսկսվել է Մարտի 1-ի գործով դատական նիստը, որի մասին ՍԴ-ն որոշում ուներ՝ մեղադրանքով հոդվածը ճանաչել հակասահմանադրական։ 

Այս թեմայով Իշխանության հաբրգելու դեմն առնելու միակ ձևը ԵՄ կառույցների կողմից արձագանքն է, որը չկա. Լեվոն Քոչարյան Փաշինյանը բարդույթ ունի մեր ընտանիքից. Լեվոն Քոչարյան Ռուսաստանի հետ բարեկամությունը՝ խոսքո՞վ, թե՞ գործով ՔԱՌՕՐՅԱ ՊԱՏԵՐԱԶՄԻ ՄԱՍՆԱԿՐՑ, ՄԱՐԶԻՉ ՍՄԲԱՏ ՍԱՀԱԿՅԱՆԻՆ ՍՊԱՌՆՈՒՄ ԵՆ ԱԶԱՏՄԱՆ ԴԻՄՈՒՄ ԳՐԵԼ Մահացել է 44 օրյա պատերազմի մասնակից Ռոբերտ Հակոբյանը