Հայաստանը մի քանի տարուց ուղղակի գոյություն չի ունենալու, եթե... Վան Համբարձումյան

Ռազմական փորձագետ ՎԱՆ ՀԱՄԲԱՐՁՈՒՄՅԱՆՆ օրերս գրառմամբ էր հանդես եկել եւ նշել, որ ճիշտ էր իր հաշվարկներում եւ ճիշտ է՝ հարյուր տոկոսով: Թե ի՞նչ է ակնարկում, «Իրավունքը» մանրամասներ է պարզել նրանից:

— Այո, ես խոսում էի այն մասին, որ միջին հեռավորության բալիստիկ հրթիռներ կան, որոնք ունակ են մեծ հավանականությամբ Իսրայելի հակաօդային պաշտպանությունը հաղթահարել կամ ստեղծել լուրջ խնդիրներ դրա համար: Հիմա մասնագիտական կանխատեում երկու առումով էի իրականացրել:

Առաջին՝ որ Իրանի Իսլամական Հանրապետությունը հարվածելու է Իսրայելին, քանի որ Իսրայելը տարբերակ այլեւս չի թողել Իրանի Իսլամական Հանրապետության համար, ինչը հենց այդպես էլ եղավ:

Երկրորդ՝ բավական բարձր հավանականությամբ հաղթահարվեց, ամեն դեպքում, Իսրայելի հակաօդային պաշտպանությունը: Չնայած նրան, որ Իսրայելին բավական օգնում են Ամերիկայի Միացյալ Նահանգներն իրենց Զինված ուժերով, բայց, միեւնույնն է, Իսրայելն էլ ճեղքեց եւ հասավ շատ բաների: Այդ առումով էի ասել, որ եղել է:

Ինչ վերաբերում է հայկական կողմին՝ միշտ ասում էի, որ ինքս ունեմ իմ հեղինակած նախագծերը՝ ապաստարանների համար, որով պատերազմի ժամանակ կարող են որպես հակառակորդի հրթիռակոծությունից, հրետանակոծությունից կամ ավիացիոն հարվածներից պաշտպանել քաղաքացիական բնակչությունը, հասարակությունը: Ասել էի նաեւ, որ իմ ապաստարաններն ունակ են` ռադիացիայի, քիմիական, կենսաբանական զենքից պաշտպանելու: Այսինքն` իմ նախագծած տարբերակները շուրջ մեկ ամսից ավել ընդունակ են բնակչությանը բացարձակ կերպով իզալացված պայմաններում պահել՝ մինչեւ ռադիացիոն ֆոնն իջնի, իսկ հիմա ամեն ինչի հավանականությունը շատ մեծ է: Չեմ ասում հարյուր տոկոսով, բայց շատ մեծ համոզմունք ունեմ, որ Իսրայելի զորքերը հարվածելու են Իրանի Իսլամական Հանրապետության միջուկային օբյեկտներին: Առաջինը տնտեսական օբյեկտներին են հարվածելու, նավթագազային ենթակառուցվածքներին ու նաեւ նավահանգիստներին, որպեսզի Իրանի Իսլամական Հանրապետության տնտեսությունը լիովին շարքից հանեն, բայց շատ մեծ է նաեւ հավանականությունն այն հարցում, որ Իսրայելը ամեն ինչ անում է, որպեսզի Իրանին ներքաշի լայնամասշտաբ պատերազմի մեջ, որ առիթ ունենա հարվածելու Իրանի միջուկային օբյեկտներին, եւ այդ միջուկային հարցը լիովին լուծի:

Հիմա այդ առումով կա հավանականություն, ինչի մասին ես ինքս արդեն մի քանի տարի է բարձրաձայնում ու ասում եմ, որ հարվածելու են միջուկային օբյեկտներին: Դա կարող է ռադիացիոն մեծ աղտոտվածություն առաջացնել, նաեւ քիմիական զենքի պաշարներին են հարվածելու, հարվածելու են գործարաններին: Դրանից հետո չի բացառվում նաեւ, որ Իրանի ատոմակայանին են հարվածելու: Լինելու է Չեռնոբիլից շատ ավելի սարսափելի վիճակ, նաեւ քիմիական զենքի պաշարներին են հարվածելու, որովհետեւ Իրանի Իսլամական Հանրապետությունը քիմիական զենքի մեծ պաշարներ ունի, որն Իսրայելի համար մեծ վտանգ է ներկայացնում:

Դրա համար հայկական կողմին իմ առաջարկն եմ տալիս, թե ինչ պետք է անել, քանի որ պետությունը, բառի բուն իմաստով, մի քանի տարի անց ուղղակի գոյություն չի ունենալու: Ինքս տարբեր առիթներով միշտ ասել եմ, որ պետք է նախապատրաստական աշխատանքներ անել, հասարակության հետ անցկացնել բացատրողական աշխատանքներ: Իմ նախագծած ծրագրով պետք է ապաստարաններ պատրաստել եւ դրանց մեծ տեղ տալ: Ընդ որում՝ ոչ միայն ապաստարաններ: Ասում էի, որ բուժհաստատություններում պետք է համապատասխան դեղորայք բաժանել եւ այլն, բայց լսող չէր լինում: Այ դրա մասին էր ասածս:

ԴԻԱՆԱ ՄԱՆՈՒԿՅԱՆ

Այս թեմայով ԻՀՊԿ. Գերմանիայում կայացած գաղտնի հանդիպման ժամանակ որոշվել է ռազմական գործողություններ ձեռնարկել Իրանի և Եմենի դեմ  Ամերիկյան գերգաղտնի ռազմական բեռը սխալմամբ ուղարկվել է... Չինաստան 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Բելառուսը օգնում է Ռուսաստանին հարվածել Լեհաստանի հետ սահմանին. Ուկրաինացի ռազմական վերլուծաբաններ Ռուսական գրոհայիններն արդեն փոքր խմբերով մտնում են Դոբրոպոլե. Ուկրաինացի ռազմական թղթակից