Փաշինյանը ՔՊ-ում արդարադատության նախարարի ֆավորիտ չունի, իսկ Արփի Դավոյանն իր օգտին լոբբինգ է անում․ 168․am

Գրիգոր Մինասյանի` աշխատանքից ազատվելուց հետո արդարադատության նախարարի պաշտոնը շարունակում է թափուր մնալ։ Վերջին օրերի ֆավորիտ եռյակից Սիսակ Գաբրիելյանը հրաժարվել է արդարադատության նախարարի պաշտոնից։

Երեքշաբթի օրը ՔՊ վարչության նիստում քվեարկվելու է ՔՊ-ական 2 պատգամավորի` Արփի Դավոյանի ու Արուսյակ Ջուլհակյանի թեկնածությունը նախարարի պաշտոնում, ինչը պնդում են Արփի Դավոյանն ու Անդրանիկ Քոչարյանը։

Արփի Դավոյանը մեծ ցանկություն ունի նախարար դառնալու ու ՔՊ վարչությունում ակտիվ լոբբինգ է անում իր օգտին։ Այդ հարցում նա ունի ՔՊ-ում հարցեր լուծող Անդրանիկ Քոչարյանի աջակցությունը:

ՔՊ-ին մոտ կանգնած 168.am-ի աղբյուրներն ասում են` շրջանառվող թեկնածուների մեջ Փաշինյանը ֆավորիտ առհասարակ չունի։ Խոսում են նաև, որ Անդրանիկ Քոչարյանը Փաշինյանին առաջարկել է անցկացնել իր թեկնածուին` Արփի Դավոյանին։ Ալեն Սիմոնյանն ու ՔՊ-ական այլ պատգամավորներ նույնպես կողմ են, որ հենց Արփի Դավոյանը դառնա նախարար։ Փաշինյանն ասել է՝ հարցը դրեք վարչության նիստին, քվեարկեք:

Տպավորություն է, որ Ազգային ժողովի ՔՊ խմբակցությունն ամեն կերպ ջանում է ազատվել Արփի Դավոյանից։ ՔՊ-ական մեր աղբյուրը նաև նշեց, որ ՔՊ-ում ոչ թե նախարարի լավագույն թեկնածու են փնտրում, այլ եղածների մեջ փորձում են նախապատվությունը տալ նրան, ով ավելի քիչ քննադատության կենթարկվի։ Արփի Դավոյանը, սակայն, դրանով մտահոգ չէ։ Ինքն ուզում է նախարար դառնալ, և վերջ։

Այս թեմայով Իշխանության քարոզչական փուչիկները պայթում են արագորեն․ ԶԱՐՄԱՆՔ Տրիգոն դիրքավորում ունի. Ինչ է սպասվում ՀՀ վարչապետին այս ամիս Ովքեր են ՔՊ-ի ամենաշատ ձայն հավաքածները. ովքե՞ր են առաջատար հնգյակում. ՑԱՆԿ Ովքեր են ՔՊ ցուցակի առաջին 50 հոգին .ՑԱՆԿ Կաթողիկոսից ներողություն եմ խնդրում, որ այդ պոռնիկների հետ մասնակցել եմ իր դեմ ցույցերին