Պոլիտեխնիկի ռեկտորը հայտնում է աշխատավարձի՝ 66 տոկոսով բարձրացման մասին

Պոլիտեխնիկի ռեկտոր Գոռ Վարդանյանը տեղեկացնում է դոցենտ ու գիտությունների թեկնածու դասախոսների աշխատավարձերի բարձրացման մասին.

««Հայաստանի ազգային պոլիտեխնիկական համալսարան» հիմնադրամի հոգաբարձուների խորհրդին հաստատմանն եմ ներկայացրել դոցենտ, գիտությունների թեկնածուի, դոցենտի և գիտությունների թեկնածուի տարակարգերի համար մեկ ակադեմիական ժամի աշխատավարձի բարձրացման առաջարկությունը, որը հավանության է արժանացել:

Որոշման համաձայն՝ դոցենտ, գիտությունների թեկնածուի մեկ ակադեմիական ժամի աշխատավարձը բարձրանում է 66.5%-ով, իսկ դոցենտի կամ գիտությունների թեկնածուի մեկ ակադեմիական ժամի աշխատավարձը՝ 66%-ով։

Արդյուքնում դոցենտ, գիտությունների թեկնածուի տարակարգի համար 1 դրույք (720 ժամ) ծանրաբեռնվածության դեպքում աշխատավարձը կկազմի` 374.400 ՀՀ դրամ, 1.5 դրույք (1080 ժամ) ծանրաբեռնվածության դեպքում՝ 561.600 ՀՀ դրամ, իսկ դոցենտի կամ գիտությունների թեկնածուի տարակարգերի համար 1 դրույք (720 ժամ) ծանրաբեռնվածության դեպքում աշխատավարձը կկազմի` 316.800 ՀՀ դրամ, 1.5 դրույք (1080 ժամ) ծանրաբեռնվածության դեպքում՝ 475.200 ՀՀ դրամ:

Պոլիտեխնիկի կառավարման բոլոր մարմինների և մեր բոլոր բարերարների վերջին 3 տարիների կատարած մեծածավալ արդյունավետ աշխատանքները և համատեղ իրականացրած բարեփոխումների ծրագրերը ստեղծել են նման հնարավորություն աշխատավարձների էական բարձրացման տեսքով:

Մեր ուշադրության ու հոգածության ներքո են լինելու բոլոր այն ծրագրերը, որոնց շնորհիվ Պոլիտեխնիկը իբրև ակադեմիական աշխատաշուկա կդառնա ավելի գրավիչ և մրցունակ բոլոր իմաստներով»։

Այս թեմայով «Պետք է սրբագրեի աղետից հետո ինձ շնորհված կյանքը…». Հասմիկ Աջամյան Ցուցահանդես նվիրված ճանաչված եւ տիտղոսավոր ավիամոդելիստ Ջորջ Նալբանդյանի հիշատակին