Շատ աննկարագրելի զգացողություններ առաջացան հաղթանակից հետո

Օրերս, Գերմանիայի Ֆուլդա քաղաքում կայացել է սթրոնգմենի /3 մրցաձև ծանրաձողով /Աշխարհի այս տարվա առաջնությունը, որի ժամանակ փայլուն է հանդես եկել ու Աշխարհի ռեկորդ սահմանել ուժային եռամարտիկ, Եվրոպայի չեմպիոն, Աշխարհի բացարձակ չեմպիոն ԱՐՏՅՈՄ ԽՈՒԳՈՅԱՆԸ։ Նա iravunk.com-ի հետ զրույցում այսպես մեկնաբանեց իր նվաճումը.

- Հանդես եկա 105 կգ քաշային կարգում։ 235 կգ, 132,5 կգ, ընդհանուր 340 կգ, ապա 702,5 և 707,5 կգ ֊ով կարողացա բացարձակ հաղթող ճանաչվել։ Մրցակիցներս Վրաստանի, Լեհաստանի, Չեխիայի ու Գերմանիայի ներկայացուցիչներ էին։ Շատ աննկարագրելի զգացողություններ առաջացան հաղթանակից հետո։ Հաղթանակս նվիրում եմ դստերս և մեր հայ ազգին։ Միշտ կարողանանք հաղթել ու ծածանել մեր եռագույն դրոշը։ Շուտով կմեկնեմ Լեհաստան մասնակցելու ուժային եռամարտի Աշխարհի առաջնությանը 110 կգ քաշային կարգում եմ հանդես գալու։ Իսկ ահա արծաթե մեդալակիր, Գինեսի գրքի ռեկորդակիր, Եվրոպայի առաջնության բռնցքամարտի WBL և WBF վարկածով աշխարհի, WBF վարկածով Եվրոպայի ուժային եռամարտի Աշխարհի ու Եվրոպայի չեմպիոն ՅՈՒՐԻ ՍԱՔՈՒՆՑԸ նշեց. ֊70 կգ քաշային կարգում եմ հանդես եկել։ Շատ լավ էի պատրաստվել այս մրցաշարին։Ամռանը Հայաստանում կայացավ սթրոնգմենի Եվրոպայի առաջնությունը, դարձա չեմպիոն ու ընդգրկվեցի հավաքականի կազմում, առաջին անգամ էի այս մարզաձևում իմ ուժերն չափում, մարտական էի տրամադրված։ Սթրոնգմենը ուժեղ մարզիկների պայքար է, գործ ունենք ծանրամարտի /ծանրաձող/մրցաձևերի հետ, երեք վարժություններ ենք կատարում և ընդհանուր գումարի արդյունքում որոշվում է հաղթողը։ Մրցաշարի ժամանակ սկզբի առաջին և երկրորդ վարժությունը այնքան էլ հաջող չկատարեցի, զիջեցի մրցակիցներիս, երրորդ վարժությամբ ծանրաձողով ձգում ամեն ինչ լավ ստացվեց։ Այս մրցաշարը շատ կարևոր էր փորձի ձեռքբերման առումով, սպորտը պայքար է, կան դժվարություններ, որ պիտի հաղթահարենք։Այս մարզաձևը մեր երկրում սկսել է արդեն զարգանալ։ Օգոստոսին էլ Մոսկվայում կայացած բռնցքամարտի միջազգային մրցաշարում տեխնիկական նոկաուտով հաղթել եմ ուզբեկ մրցակցիս ու նվաճել WBL և WBF աշխարհի չեմպիոնական գոտին, շատ պարտավորեցնող էր, որ հաղթեցի։ Արդեն պիտի մեկնեմ Ֆինլանդիա մասնակցելու ուժային ըմբշամարտի Եվրոպայի առաջնությանը։

Լուսանկարում` աջից Արտյոմը, ձախից Յուրին

ՀՈՎՀԱՆՆԵՍ ՍԱՐԳՍՅԱՆ

Այս թեմայով Շախմատի համաշխարհային օլիմպիադա. Հայաստանի հավաքականը 6 խաղափուլից հետո 3-րդ տեղում է Եվրոպայի առաջնությունում այսօր ռինգ դուրս կգա Հայաստանի երեք ներկայացուցիչ Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ