Մի քանի նշան, որ բջջայինի հավելվածը վարակված է վիրուսով

ՌԴ Պետդումայի տեղեկատվական քաղաքականության հանձնաժողովի անդամ Անտոն Նեմկինը «ՌԻԱ Նովոստի»-ի հետ զրույցում նշել է երեք նշան, որոնց միջոցով կարելի է հասկանալ, որ բջջային հավելվածը վարակված է վիրուսներով։

Պատգամավորի խոսքով՝ օգտատերերի համար հիմնական վտանգը ներկայացնում են վիրուսները, տրոյական վիրուսները և լրտեսող ծրագրերը։ Դրանք հաճախ ներդրվում են անվնաս ծրագրերում, ինչպիսիք են խաղերը կամ կոմունալ ծառայությունները: Նման ծրագրերի հիմնական նպատակը օգտատիրոջ անձնական տվյալներին հասանելիություն ստանալն է:

«Նման հավելված տեղադրելով՝ օգտատերը վտանգում է կորցնել վերահսկողությունն իրրենց տվյալների նկատմամբ, որոնք չարագործները կարող են օգտագործել՝ գումար գողանալու կամ վնասակար բովանդակություն տարածելու համար»,- ասել է Նեմկինը։

Հանձնաժողովի անդամը նաև ուշադրություն է հրավիրել չափազանց շատ թույլտվություններ պահանջող ծրագրերի վտանգների վրա։ Խոսքը, մասնավորապես, հեռախոսի գործառույթներին հասանելիություն ապահովելու մասին է, որոնք անհրաժեշտ չեն աշխատանքի համար՝ տեսախցիկ, խոսափող, կոնտակտներ և այլն։ Պատգամավորն ընդգծել է, որ այս կերպ ստացված տեղեկատվությունը կարող է օգտագործվել ինչպես թիրախային գովազդի, այնպես էլ այլ անբարեխիղճ ընկերություններին այն վաճառելու համար։

Այս թեմայով IMEI-ների միասնական գրանցում. ինչ հնարավորություններ և ինչ ռիսկեր է պարունակում համակարգը 2027 թ.-ի հունվարի 1-ից Հայաստանում կստեղծվի բջջային հեռախոսների IMEI կոդերի միասնական շտեմարան. ի՞նչ է իրականում առաջարկում նախագիծը ՇՏԱՊ. թիրախում են iPhone բջջային հեռախոսների օգտատերերը. Կիբեռոստիկանության զգուշացումը Հայաստանում հանտավիրուսի տարածման ռիսկը ներկայումս գնահատվում է ցածր. ԱՆ ՍԱՐՍԱՓ.Կիբեռհանցագործների թիրախում են հայտնվել թոշակառուները