Գիտնականները սպանախի տերևների վրա մարդկային սրտի հյուսվածքներ են աճեցրել

Ժամանակակից տեխնելոգիաները, այդ թվում նաև եռաչափ տպիչը, թույլ են տալիս ստեղծել արյունատար անոթների ճյուղավոր «ցանցն» ամենայն մանրամասնությամբ: Դրանց օգնությամբ կարելի է ստեղծել նույնիսկ մազանոթները, ինչն անհրաժեշտ է հյուսվածքների աճն ապահովող թթվածինն ու սննդարար նյութերը մատակարարելու համար: Ամերիկացի գիտնականների մի խումբ այժմ աշխատում է այդ ուղղությամբ և շատ հնարավոր է, որ մոտ ժամանակներում լուծի այդ խնդիրը, հաղորդում է Eurek Alert-ը:

Մի քանի գիտափորձերի ընթացքում գիտնականները սպանախի տերևներից հանել են բուսական բջիջները և դրանց վրա աճեցրել են սրտի կենսունակ բջիջներ: Գիտնականները տերևների անոթային համակարգով անցկացրել են հեղուկ ու միկրոբյուրեղներ, որոնք իրենց չափերով նման են մարդկային արյան բջիջներին:

Մասնագետների խոսքով՝ կարելի է սպանախի փոխարեն օգտագործել մեկ այլ բույս: Նրանք հաջողությամբ հեռացրել են բուսական բջիջները նաև մաղադանոսից, օշինդրից և գետնանուշի արմատներից: Բուսական բջիջները հեռացնելիս հիմնականում մնում է ցելյուլոզան, որը բացարձակապես անվաս է մարդկանց համար:

Գիտնականները նշում են, որ այս նոր մեթոդը շատ ավելի քիչ ծախսատար է և էկոլոգիապես ավելի մաքուր, քան գոյություն ունեցող մյուս մեթոդները: Նրանց խոսքով՝ այն կարող է բեկումնային լինել ռեգեներատիվ բժշկության ասպարեզում:

Այս թեմայով Ճիշտ ու արդյունավետ կլինի դիվերսիֆիկացումը, այլ ոչ թե ամեն գնով ցույց տան, թե Ադրբեջանի հետ առևտուր են անում Հայաստանն առաջիկա օրերին կվերսկսի հեղուկ գազի ներմուծումը Իրանից Այս ամենը հետևանք է համակարգային կառավարման բացակայության, պետական կառավարումն անլրջացնելը հասել է չգիտեմ որ աստիճանի. Հեղուկ գազի դեֆիցիտի հետքերով Տաքսու վարորդները ահազանգում են, որ հեղուկ գազի դեֆիցիտը խաթարել է բնականոն աշխատանքը. Դանիելյան «Ժողովուրդ». Հեղուկ գազի գների նոր թռիչքը իշխանությունների բացահայտ ձախողման հերթական ապացույցն է