«ԵԱՏՄ անդամ երկրների տնտեսական աճը գերազանցում է համաշխարհային ցուցանիշները, միությունը գնալով էլ ավելի հանրաճանաչ է դառնում»․ ՌԴ վարչապետ

«ԵԱՏՄ անդամ երկրների տնտեսական աճը գերազանցում է համաշխարհային ցուցանիշները, և միությունը գնալով էլ ավելի հանրաճանաչ է դառնում միջազգային ասպարեզում»,-այդ մասին Երևանում ԵԱՏՄ անդամ երկրների կառավարությունների ղեկավարների մասնակցությամբ անցկացվող Եվրասիական տնտեսական ֆորումի լիագումար նիստի ժամանակ հայտարարեց ՌԴ վարչապետ Միխայիլ Միշուստինը։

ՌԴ վարչապետի խոսքով` ԵԱՏՄ շրջանակում ձևավորվում է մեկ միասնական տրանսպորտային թվային միջանցք, որոնք հնարավորություն կտան բիզնես գործընկերներին փոխանակվել լոգիստիկ կարևոր տեղեկություններով` մատակարարումների ամբողջ շղթայում։

«Նախանշված նպատակներին հասնելու համար կարևոր է նաև այն, թե ինչպես կարող են ԵԱՏՄ անդամ պետությունները ռեալիզացնեն ընդհանուր պոտենցիալը, որի համար խիստ կարևոր է նաև մեկ միասնական թվային համակարգը։ Մենք պետք է ստեղծենք տվյալների պահպանման մի մոդել, որին բոլորս կվստահենք։ Բացի այդ, համապատասխան պլատֆորմի ստեղծումը, որը կապահովի ԵԱՏՄ անդամ պետություների միջև ապրանքների, ծառայությունների, կապիտալի, աշխատուժի ազատ տեղաշարժը։ Նաև անդամ երկրների տնտեսվարողներին պետք է կապել իրար հետ»,– նշել նա։

Միշուստինը  նաեւ կարևորել է տվյալների պահպանման կիբեռանվտանգությունը։

«Միության մեկ միասնական թվային համակարգին ապագայում կարող են միանալ նաև այն պետությունները, որոնք ցանկանում են ավելի սերտ համագործակցել մեր միության հետ։ Մենք ձևավորում ենք մեկ միասնական տրանսպորտային թվային միջանցք, որը հնարավորություն կտա բիզնես գործընկերներին փոխանակվել լոգիստիկ կարևոր տեղեկություններով մատակարարումների ամբողջ շղթայում»,– նշել է ՌԴ վարչապետը։

Այս թեմայով Քիչ առաջ ձերբակալել են նախկին վարչապետ Հովիկ Աբրահամյանի եղբորը․ ArmLur.am Նախկին վարչապետի ընտանիքը սգում է Հնդկաստանի վարչապետը հայտարարել է, որ ՄԱԿ-ի Անվտանգության խորհրդի բարեփոխումը դարձել է անհետաձգելի Վերջին 8 տարվա ընթացքում եղել են օրեր, երբ անիծել եմ այն օրը, երբ դարձա ՀՀ վարչապետ. Նիկոլ Փաշինյան Բրիտանիայում նորից խոսում են վարչապետ փոխելու մասին