Ի վերջո, ի՞նչ է տեղի ունեցել ՀԱԿ-ի գրասենյակում

Օրերս Հայաստանի պետական, կուսակցական, հասարակական գործիչ, գրող եւ հրապարակախոս Վանո Սիրադեղյանի դուստրը՝ Արփի Սիրադեղյանը, ֆեյսբուքյան իր էջում գրել էր, որ ծեծի է ենթարկվել եղբայրը՝ Դավիթ Սիրադեղյանը։ Նա մասնավորապես նշել էր, որ մի քանի օր առաջ եղբայրը «Հայ ազգային կոնգրես» կուսակցությունում է եղել, որտեղ դեռեւս չպարզված հանգամանքներում վիճաբանություն է եղել ու նրան ծեծել են:
Ի վերջո, ի՞նչ է տեղի ունեցել ՀԱԿ-ի գրասենյակում «Իրավունք»-ը փորձեց պարզել Վանո Սիրադեղյանի հարազատ կուսակցության տարբեր ներկայացուցիչներից:
Մեր այն հարցին, թե Վանո Սիրադեղյանի որդու նկատմամբ բռնի ուժ գործադրելու պատճառը ո՞րն է եղել, ՀԱԿ կուսակցության փոխնախագահ ԱՐԱՄ ՄԱՆՈՒԿՅԱՆԸ խուսափեց պատասխանել. «Եթե տեղեկություն եք ուզում՝ խնդրեմ, կասեմ, իսկ եթե հարցազրույց, ապա՝ ոչ: Շնորհակալ եմ, լավ եղեք»:
Նույն հարցով դիմեցինք նաեւ ՀԱԿ մյուս փոխնախագահ ԼԵՎՈՆ ԶՈՒՐԱԲՅԱՆԻՆ: Նա էլ հղում արեց մեկ այլ լրատվամիջոցի, թե՝ այնտեղ կա տեղեկություն. «Այժմ ավելացնելու բան չունեմ»:
Իսկ մեր այն հարցին, թե հոկտեմբերի 2-ին Բագրատ սրբազանի շարժման հանրահավաքից ինչպիսի՞ ակնկալիք կա, Լեւոն Զուրաբյանը շրջանցեց հստակ պատասխանելուց՝ հին սովորույթի համաձայն՝ պատճառաբանելով, թե հեռախոսով հարցազրույց չի տալիս:
ԴԻԱՆԱ ՄԱՆՈՒԿՅԱՆ
Հ.Գ.- Ի դեպ, հատկանշական է, որ ՀԱԿ-ից ավելի վաղ սրտնեղել էին, թե լրատվամիջոցները Վանո Սիրադեղյանի որդուն ծեծի ենթարկելու մասին լուրը հրապարակել էին՝ առանց «Հայ ազգային կոնգրեսի» հետ նշված ենթադրյալ դեպքի հանգամանքները ճշտելու: Մինչդեռ, երբ լրատվամիջոցները փորձում են ճշտել, նրանք տալիս են խուսափողական պատասխաններ: Սա առնվազն տարօրինակ է, որովհետեւ նույն ՀԱԿ-ին մոտ կանգնած աղբյուրները մամուլով վստահեցրել էին, թե իրականում քրոջ մատնանշած օրերին Դավիթ Սիրադեղյանն ընդհանրապես ՀԱԿ գրասենյակ չի այցելել: Կոնգրեսը նաեւ կոչ է արել իրավապահ մարմիններին արագ հետաքննել կատարվածը եւ պարզություն մտցնել այս հարցում: Բայց եթե սա իրականություն է, ապա հարց է ծագում, թե ինչու են ՀԱԿ վերին օղակները հուշտ լինում հարցին ուղիղ եւ սպառիչ պատասխանելուց:

Այս թեմայով Իրականում նոյեմբերի 9-ը չէր չարաբաստիկը, այլ նրա նախորդած 44 օրերը, 4 տարիները, 30 տարիները… Մեկնարկել է Ազգային ժողովի ընդդիմադիր խմբակցությունների և հասարակական-քաղաքական ուժերի ներկայացուցիչների հանդիպումը Հրատապ. Նրա ազատությունը սարերի հետեւում չէ. Հայտնի փաստաբանի հայտարարությունը Հայաստանի ազգային հրավիրված ֆուտբոլիստների ցանկը Ինչո՞ւ է ընդհատվել «Գայանե» բալետի ներկայացումը․ հանդիսատեսը վրդովված է