Հայաստանի համար «լավագույն լուծումը» կլինի ռազմական չեզոքությունը. Հաջիև

Հայաստանի համար «լավագույն լուծումը» կլինի ռազմական չեզոքությունը, ոչ թե Ադրբեջանի դեմ ռազմական դաշինքների ստեղծումը. այս մասին, ՏԱՍՍ-ի փոխանցմամբ, La Repubblica թերթին տված հարցազրույցում ասել է Ադրբեջանի նախագահի օգնական, պետության ղեկավարի վարչակազմի արտաքին քաղաքականության բաժնի ղեկավար Հիքմեթ Հաջիևը։

Ըստ Իլհամ Ալիևի օգնականի՝ Հայաստանի ռազմականացումը պետք է իրականացվի «պատասխանատու ձևով և համաչափ», մինչդեռ Բաքուն, նրա պնդմամբ, ինքնապաշտպանվելու իրավունք ունի: Հաջիևը մտահոգություն է հայտնել Երևանի կողմից Ֆրանսիայից հեռահար հրթիռների գնման առնչությամբ։

«Հայաստանի համար լավագույն լուծումը կլինի չեզոքությունը, այլ ոչ թե Ադրբեջանի դեմ ռազմական դաշինքների ստեղծումը»,- նշել է նա։

Բաքուն, նրա խոսքով, փորձեր է տեսնում արևմտյան որոշ երկրների, այդ թվում՝ Ֆրանսիայի կողմից «սխալմամբ աջակցելու Հայաստանին իր ռևանշիստական նկրտումներում»:

«Սա հակաարդյունավետ է ամբողջ Եվրոպայի համար», - ասել է նա:

Հաջիևը հավելել է, որ Բաքուն Հայաստանի Սահմանադրությունը, որը կասկածի տակ է դնում «Ադրբեջանի տարածքային ամբողջականությունը», խոչընդոտ է համարում Երևանի հետ խաղաղության համաձայնագրի հասնելու համար։

«Մենք ավելի քան երբևէ մոտ ենք խաղաղությանը, բայց մնում են խոչընդոտներ, որոնք թույլ չեն տալիս առաջ գնալ, և առաջինը Հայաստանի Սահմանադրությունն է, որը անկախության հաստատման մասով նշում է Հայաստանի վերամիավորումը Ղարաբաղում «ադրբեջանական տարածքների» հետ։ Մենք ցանկանում ենք խաղաղության հասնել ոչ միայն Հայաստանի կառավարության, այլև երկրի ժողովրդի հետ, որը պետք է պահանջի Սահմանադրության փոփոխության հանրաքվե՝ հրաժարվելով «ադրբեջանական տարածքների»  նկատմամբ հավակնություններից: Պետք է հանրաքվե, որի ժամանակ հայերը ցույց կտան, որ չեն պաշտպանում Ղարաբաղի նկատմամբ հավակնությունները»,- ասել է նա։

Այս թեմայով Գեւորգ Սուջյանը նորություն ունի Հորոսկոպ սեպտեմբերի 19-ի համար. անկեղծ զրույց՝ Խոյերին, անհաջողություն՝ Առյուծներին 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Հայաստանի իշխանությունը ներկայացնողները դավաճանել են մի բուռ հայ ժողովրդին ու մտադիր են ոչնչացնել նրան Ռուսները ոչնչացրել են Ուկրաինայի զինված ուժերի համար բեռներ տեղափոխող եւս հինգ բեռնանավեր (Տեսանյութ)