Ոչ մի ակնկալիք չպետք է ունենալ, քանի դեռ հայ-ադրբեջանական հարաբերությունները չեն կարգավորվել. Խուդավերդյան

 

 

— Հայ-թուրքական ցանկացած հանդիպում պետք է կապել հայ-ադրբեջանական զարգացումների հետ: Քանի դեռ հայ-ադրբեջանական զարգացումները մշուշոտ են, ապա որեւէ արդյունք ակնկալել Հայաստանի եւ Թուրքիայի ղեկավարներից, անիմաստ է: Եկեք նախ հայ-ադրբեջանական հարցերում տեսնենք, թե ինչ է կատարվում, եւ հետո նոր վերլուծենք հայ-թուրքական հարաբերությունները, որովհետեւ առանց մեկը մյուսի, ուղղակի անհնար է:

 

 

— Ո՛չ, Թուրքիան իր բարձր դիրքորոշումը հայտնել է: Հայ-ադրբեջանական հարաբերությունները հենց կարգավորվեն՝ հայ-թուրքական սահմանը կբացվի: Այլ կերպ պարզապես հնարավոր չէ: Ի դեպ, Հայաստանում պետք է հակաթուրքական քարոզչությունն արգելվի: Դա էլ է նախապայման: Հայ-թուրքական պաշտոնական սահմանն արդեն երկու կողմերի միջեւ պաշտոնապես հաստատվել է: Այսինքն, այլեւս Կարսի պայմանագիրն այստեղ որեւէ դեր չի խաղում: Երկու կողմերն արդեն երկկողմանի կերպով հաստատել են, որ ներկայիս հայ-թուրքական սահմանը պաշտոնական է:

 

 

— Ոչ միայն Մարգարան է բացվում, այլ նաեւ Անին էլ է բացվում: Միայն Մարգարան չէ, մնացած կետերը նույնպես վերանորոգվում են: Այսինքն, դեռեւս հայ-թուրքական հարաբերություններում տեղաշարժ, որպես այդպիսին, չկա: Ինչը, որ պայմանավորվել էին ոչ մի բան չի եղել՝ նույնիսկ այդ երրորդ երկրների համար ինչ-որ անորոշ ձեւակերպումներով: Ավելին, Թուրքիան փակել է Հայաստանի հետ օդային սահմանը՝ ՀՀ-ում «Նեմեսիս»-ի արձանի տեղադրումից հետո: Այսինքն, իրականում բանալին գտնվում է հայ-ադրբեջանական դաշտում: Քանի դեռ հայ-ադրբեջանական հարաբերությունները չեն կարգավորվել, հայ-թուրքական հարաբերությունների մասին խոսք լինել անգամ չի կարող:

 

 

— Ոչ մի ակնկալիք չպետք է ունենալ, քանի դեռ հայ-ադրբեջանական հարաբերությունները չեն կարգավորվել: Այո, երկկողմ հանդիպումները նպաստում են լարվածության թուլացմանը, ինչն առաջ չի եղել նման հաճախակիությամբ հանդիպումների տեսքով, բայց դրանք դեռեւս արդյունքի չեն բերի այնքան ժամանակ, քանի դեռ, էլի եմ շեշտում՝ հայ-ադրբեջանական հարաբերությունները վերջնականապես չեն կարգավորվել:

 

ԴԻԱՆԱ ՄԱՆՈՒԿՅԱՆ