Կրկին ինտրիգ՝ Շպռոտի անվան շուրջ

«Այո՛, այո՛, ես արդեն մի քանի ամիս է, ինչ ամուսնացել եմ, կարող եք շնորհավորել»,- այս մասին իր ինստագրամյան էջում գրել է երգչուհի ՇՊՌՈՏԸ, որն արդեն երկար տարիներ է, ինչ ապրում է Միացիալ Նահանգներում:

Նկատենք, որ սկանդալային ու հմայիչ երգչուհին մշտապես իր շուրջը պահել է հանդիսատեսին՝ ոչ միայն իր երգերով, այլ նաեւ իր կողմից տարբեր հետաքրքրություններ առաջացնելով՝ կիսամերկ կամ բավականին համարձակ բացվածքներ կրող հագուստներով նկարահանվելով տեսահոլովակներում, կոշտ ուղիղ եթերներով, որտեղ հիմնականում հնչեցնում էր սթափության կոչեր, որոնք կարող էին լինել նույնիսկ արցունքներով ողողված, հավատքի եւ կրոնի, ինչպես նաեւ քաղաքականության մասին մտքերով եւ այլն:

Ի դեպ, հավատքի առումով լուրեր տարածվեցին, թե իբր երգչուհին հարում է ինչ-որ աղանդավորական կազմակերպության, սակայն ամիսներ առաջ «Իրավունք»-ին տված բացառիկ հարցազրույցում Անին՝ նույն ինքը Շպռոտը, խոստովանեց, որ հարում է միայն Հայ Առաքելական եկեղեցուն եւ չի ընդունում աղանդներին առհասարակ: Լինելով ծայրահեղ անկեղծ եւ տեսակով բաց մարդ՝ Շպռոտը մշտապես խոսել է իր մանկությունից, հպարտացել հայրենասեր հորով, ով զոհվել է արցախյան առաջին պատերազմում: Նա նույնիսկ ինքնախարազանմամբ է մոտեցել իր անցած ճանապարհին՝ երիտասարդներին ներկայացնելով ու խորհուրդներ տալով, թե ինչպես չի կարելի ապրել, եւ որն է ճիշտ կյանքը՝ ելնելով սեփական սխալներից:

Այսօր արդեն իր խոսքերով՝ դարձի եկած երգչուհին, փաստորեն, ստեղծել է իր ընտանիքը եւ շարունակում է ապրել ու ստեղծագործել Միացյալ Նահանգներում, ինչի վերաբերյալ փորձեցինք մանրամասներ պարզել հենց նրանից: Սակայն, երգչուհին չցանկացավ խոսել իր ամուսնության, նորաստեղծ ընտանիքի եւ ընտրյալի մասին՝ խոստանալով այս մասին հարցազրույց տալ՝ որոշ ժամանակ անց: Նա որոշել է դեռեւս գաղտնի պահել սիրելիի անուն-ազգանունն ու լուսանկարը: Դե ինչ, դա յուրաքանչյուրի իրավունքն է, ու մեզ միայն մնում է ցանկանալ երջանկություն երգչուհուն եւ բեղուն աշխատանք:

Այդուհանդերձ, հիշեցնենք, որ Շպռոտն իր հարցազրույցներում մշտապես ընդգծել է, որ ընտանիքն իր համար երազանք է, ինչ վերաբերում է անդավաճան սիրո գաղափարին, ասել է. «Ես հավատում եմ, որ միայն Աստծո շնորհիվ հնարավոր է սիրել եւ այդ սերը մաքուր պահել: Դժվարություններ միշտ էլ կլինեն, բայց անտարբերությունը սպանում է սերը»: Իսկ թե ինչպիսի տղամարդ է տեսնում իր կողքին, երգչուհին բնութագրել է այսպես. «Կարեւոր է, որ տղամարդը ֆինանսապես կայացած, աշխատող լինի: Բայց ես երբեք չեմ նայել փողին: Միշտ նայել եմ մարդկային արժեքին»:

ՆԱՆԱ ՍԱՐԳՍՅԱՆ

Այս թեմայով Մեր վեհափառին թիրախավորում են, քահանաներին` բանտարկում` հայրենասիրության պատճառով. Շպռոտ Շպռոտն ամերիկյան կյանքի, ամուսնու, ընտանեկան արժեքների ու Հայաստանի կարոտի մասին  Մի բան էն չի էս տեսարանի մեջ․ Շպռոտ Այս գլխարկով սևամորթ կանայք թաղում են գնում. Շպռոտ Այս իշխանությունները պարզապես խամաճիկներ են եւ կատարողներ. Անի Թովմասյանի (Շպռոտ)