Նախ փողոց դուրս կգան սորոսականները

Թեպետ Մարզահամերգային համալիրում Բագրատ սրբազանը հայտարարեց, որ պայքարի ակտիվ շրջանը վերսկսում են հոկտեմբերի 2-ից՝ հավաքով Հանրապետության հրապարակում, բայց պարզվում է՝ դրանից առաջ Երեւանում նախատեսված է այլ հավաք՝ բոլորովին ուրիշ բովանդակությամբ:

Սորոսի «Բաց հասարակության հիմնադրամներ- Հայաստան»-ից տարիներ շարունակ դրամաշնորհներ ստացած «Ընդդեմ կանանց նկատմամբ բռնության կոալիցիա» հասարակական կազմակերպությունն իրազեկել է Երեւանի քաղաքապետարանին՝ հեկտոմբերի 1-ին՝ «կնասպանության հիշատակի օրվա կապակցությամբ իրականացվող միջոցառման մասին»:

Հավաքը նախատեսված է իրականացնել Կարապի լճի հարակից տարածքում՝ ջրի վրա լողացող ջահերով ու պաստառներով: Այն նպատակ ունի հիշատակել կնասպանոթյան զոհերին, բարձրաձայնել ընտանեկան բռնության զոհերի սահմանափակ հասանելիությունը արդարադատությանը:

Ինչ խոսք, տարօրինակ ձեւակերպում է կնասպանության շեշտադրումը, կարծես, տղամարդասպանությունը նորմալ է եւ հիշատակության ոչ արժանի: Բայց հաշվի առնելով սույն կազմակերպության գենդերային եւ ֆեմինիստական թեմատիկայով ակտիվությունը` ամեն ինչ պարզ է դառնում: Ու, այդուհանդերձ, հարց է ծագում՝ իրենց ձեւակերպմամբ այդ կնասպանության հիշատակի օրով արդյոք հիշելու են այն հղի կնոջը, որին Նիկոլ Փաշինյանի կորտեժը վրաերթի ենթարկեց, ու նա տեղում մահացավ: Իսկ եթե՝ ոչ, մնում է միայն ենթադրություններ անել, թե ինչու է կրկին առաջ քաշվում ընտանեկան բռնության արհեստածին թեման այս օրերին:

ՀՐԱՆՏ ՍԱՐԱՖՅԱՆ

Այս թեմայով «Հրապարակ». Բագրատ Սրբազանի նոր նախաձեռնությունը սիմվոլիկ բնույթ է կրում 2018-ին դագաղ փարթիներ միայն ՀՀԿ կարկառունների դեմ էին անում, ո՞ւր էին մյուս ուժերը. Հարությունյան ՀՀԿ-ին թիրախավորելը Նիկոլի ջրաղացին ջուր լցնել է. Արմեն Հարությունյան Մհեր Գրիգորյանը բան չունի՞ ասելու, էլի չշտապե՞նք. ԶԱՐՄԱՆՔ Աստված օգնական բոլորին. Միքայել արքեպիսկոպոս Աջապահյանը իր շուրջ ստեղծված իրավիճակի մասին