Ի դեմս Նիկոլ Փաշինյանի` ունենք ազգային աղետ. Արտաշես Գեղամյանի վերջին հարցազրույցը

Այսօր վերջին հրաժեշտը տվեցինք ՀՀ Ազգային ժողովի 1-ին, 2-րդ, 3-րդ, 5-րդ եւ 6-րդ գումարումների պատգամավոր, «Ազգային Միաբանություն» կուսակցության նախագահ, Երեւանի նախկին քաղաքապետ ԱՐՏԱՇԵՍ ԳԵՂԱՄՅԱՆԻՆ: Ընդամենն ամիսուկես առաջ նա դեռ պայքարով լեցուն էր եւ հենց այդ շեշտադրումներով էր նրա վերջին հարցազրույցը: Այո՛, 35-ամյա «Իրավունք»-ի վաղեմի բարեկամն իր վերջին ուղերձները հղեց հենց թերթի միջոցով:

Անդրադառնալով ընդդիմադիր դաշտում քաղաքական ուժերի միջեւ առկա քննարկումներին՝ Արտաշես Գեղամյանը կարեւորել էր այն, որ բոլորն ընկալում են, որ սա ազգային, ազատագրական շարժում է, եւ անկախ Հայաստանի հետագա զարգացման աշխարհաքաղաքական տեսլականներից` միահամուռ են այն եզրահանգման մեջ, որ ի դեմս Նիկոլ Փաշինյանի` ունենք ազգային աղետ:

«Սա չարիք է, որը Հայաստանի Հանրապետությունը տանում է կործանման: Իսկ արդեն մանրակրկիտ բացելով, թե ինչպես ազատվել այդ չարիքից, բնականաբար, պետք է նկատի ունենալ, թե որ քաղաքական ուժն ինչպիսի հեռանկար է տեսնում եւ այդ հեռանկարին հասնելու` ինչ գործիքակազմ», - ասում էր Գեղամյանը եւ զգուշավոր լավատեսությամբ ընդգծում էր, որ Բագրատ սրբազանը հավատ է ներշնչում: Նա ուզում էր հավատալ, որ սրբազան շարժումը կհասնի իր նպատակին` այն է` փրկել Հայաստանի Հանրապետության պետականությունը` ազատվելով Նիկոլ Փաշինյան չարիքից:

Ա. Գեղամյանը շեշտում էր, որ այսօր մայր հարցն այն է, որ հետեւողականորեն Փաշինյանն իր ուղեվարների անմիջական ղեկավարմամբ` Հայաստանի Հանրապետության պետականությունը տանում է կործանման, տանում է Թուրքիայի վիլայեթ դարձնելու ուղղությամբ. «Սա է խնդիրը, մնացած բոլոր հարցերը հավատացնում եմ ձեզ` այո՛, իրավունք ունեն հետագայում մանրակրկիտ ուսումնասիրության առարկա դառնալ, բայց միայն եւ միայն չարիքից ազատվելուց հետո»:

Իսկ թե որոնք էին իր ասած` չարիքից ազատվելու համար լուծման ճանապարհները, ընդգծել էր. «Լուծման ճանապարհները բազում են, բայց դրանց մասին բարձրաձայնելը նշանակում է իսկզբանե զենք տալ Փաշինյանին, որպեսզի նա ամբողջ վարչակազմը, ամբողջ պատժիչ մեքենան նպատակուղղի, որ իսկզբանե չեզոքացնեն այդ լուծման ճանապարհների հետեւորդներին եւ դրա մասին բարձրաձայնողներին»:

Արտաշես Գեղամյանը խոսել էր նաեւ մինչ այսօր ընդդիմության պայքարի անհաջողությունների մասին, մասնավորապես, թե ինչու մայիսի 9-ին, երբ հոծ բազմություն կար հրապարակում եւ վերջնաժամկետ էր տրված Փաշինյանին` հրաժարական տալու, ոչինչ տեղի չունեցավ:

«Սա լուրջ վերլուծության առարկա է: Մենք ձեզ հետ միասին պետք է հաշվի առնենք այն, որ Հայաստանի նման աշխարհաքաղաքական շատ նուրբ եւ բարդ դիրք ունեցող երկրներում իշխանափոխություններն առանց միջազգային ուժի կենտրոնների անմիջական մասնակցության տեղի չեն ունենում: Համաշխարհային քաղաքականության ուժային այսօր երկու կենտրոն կա: Այդ երկու կենտրոնների շահերը մեր տարածաշրջանում խիստ իրարամերժ են: Իմ տեսակետից մենք պետք է հետեւողականորեն տանենք երկիրը Եվրասիական տնտեսական միության, բնականաբար, Ռուսաստանի Դաշնության հետ առավել խորը ռազմաքաղաքական դաշնության ամրապնդման ճանապարհով` իմանալով, որ ապագան պատկանում է նոր ձեւավորվող աշխարհակարգի այն բեւեռին, որն ընդգրկելու է իր մեջ Ռուսաստանի Դաշնությունը, Իրանի Իսլամական հանրապետությունը, Չինաստանի Ժողովրդական Հանրապետությունը եւ բոլոր այն երկրները, որոնք ԲՐԻԿՍ-ում են», - վստահեցնում էր Արտաշես Մամիկոնիչը:

Հիշատակն արդարոց օրհնությամբ եղիցի…

ՀՐԱՆՏ ՍԱՐԱՖՅԱՆ

Այս թեմայով Ամեն տարի հիշեցնելու եմ այս պատմությունը, որ միշտ հիշեք, որ պատերազմի ու դրա պատրության մեղավորը կոնկրետ մարդիկ են, որոնք դեռ անպատիժ իշխանության են մեր երկրում.Վարուժան Գեղամյան Նրա գործի շարունակությունը ներկայումս գտնվում է ապահով ձեռքերում Արարատից հրաժարումը Հայաստանի թուրքացման մասին է, այլ ոչ թե անվտանգության․ Վարուժան Գեղամյան Մեզ տալիս են մեր հայրենիքի մի կտորի հետ խորհրդանշական կապ ու դրա վերականգման պատրանք, որպեսզի հեշտությամբ խլեն մեր ունեցած մասը.Վարուժան Գեղամյան Չի լինի պայքար, սստիճանաբար կվերածվենք էժան ու դատարկվող հյուրանոցի, իսկ վերջում՝ Թուրքիայի գավառի.Վարուժան Գեղամյան