Էրիկ Ռոբերթսը հրապարակայնորեն ներողություն է խնդրել իր հայտնի քրոջից՝ Ջուլիա Ռոբերթսից

Էրիկ Ռոբերտսը հրապարակավ ներողություն է խնդրել իր հայտնի քրոջից՝ Ջուլիա Ռոբերթսից։ Իր «Փախած գնացքը» հուշագրության մեջ նա պատմել է հայտնի դերասանուհու հետ ունեցած կոնֆլիկտի մասին եւ «հրապարակային ներողություն» խնդրել Ջուլիա Ռոբերթսից, հայտնում է People-ը։

Էրիկը մանրամասնել է իր ծնողների՝ Ուոլտեր Ռոբերթսի եւ Բեթի Լու Բրեդեմուսի հետ «անապահով» մանկության մասին։ Նրա խոսքով՝ իր հայրը «անհաջող մարդ» էր եւ խանդում էր իր կարիերային։ Ծնողների ամուսնալուծությունից հետո Էրիկն ապրում էր հոր հետ, իսկ Ջուլիան՝ մոր հետ, որը հետագայում նորից ամուսնացավ։

Հուշագրության մեջ Ռոբերթսը մանրամասնում է իր վաղ կարիերայի մասին եւ նկարագրում, թե ինչպես են իր հիշողության վրա ազդել իր կողմից թմրանյութերի չարաշահումը, 1981 թվականին տեղի ունեցած ավտովթարը եւ դրան հաջորդած բազմօրյա կոման: Միաժամանակ Ջուլիա Ռոբերթսը սկսում էր իր դերասանական կարիերան, իսկ ավելի ուշ ստվերեց եղբորը, ինչը դուր չեկավ վերջինին։ «Եթե ես չլինեի, Ջուլիա Ռոբերթսը չէր լինի»,-մի անգամ ասել է նա:

«Հուսով եմ, որ Ջուլիան կընդունի այս հրապարակային ներողությունը», - գրում է Էրիկ Ռոբերթսը, որն այժմ 68 տարեկան է,-«Դա հիմարություն էր»,-գրում է People-ը։ 

Նրա թմրամոլությունը հանգեցրեց դժվարին հարաբերությունների Ջուլիա Ռոբերթսի եւ խորթ քրոջ՝ Նենսի Մոթսի հետ: Սակայն թմրանյութերի օգտագործման «ամենամեծ հետեւանքը» դարձավ դստեր՝ Էմմա Ռոբերթսի նկատմամբ խնամակալությունից զրկվելը: Խնամակալության պայքարը հանգեցրեց Ջուլիա Ռոբերթսի հետ ընդհարման, ով անցավ Էմմայի մոր՝ Քիմ Կանինգհեմի կողմը: Էրիկ Ռոբերթսն իր հուշերում խոստովանում է, որ ի վերջո դա ճիշտ քայլ էր:

Այս թեմայով ՇՏԱՊ. Հայտնի իրավապաշպանը Իրանի դեսպանատան մոտ փակագծեր է բացում Էլ մեղավորներ չեմ փնտրում… Հայտնի փաստաբանը «Իրավունքի» խնդրանքով 6 տարի անց վերապրեց դաժան պատմության էջը Հայտնի է՝ ով կներկայացնի այս տարի Հայաստանը մանկական Եվրատեսիլում Հայտնի են Պետդումայի ընտրությունների քվեարկության երկրորդ օրվա էքզիթ փոլի արդյունքները Նախկին վարչապետի ընտանիքը սգում է