Պրահայան բանակցությունից հետո սկսվել է ադրբեջանական ագրեսիան

Մի կողմից սոցցանցերում լուրեր են շրջանառվում, թե Սյունիքի մատույցներում ադրբեջանական զինուժի կուտակումներ կան, մյուս կողմից իշխանության ներկայացուցիչները շարունակում են անհոգ ու անվրդով օրերը լուսացնել: Ըստ Լեհաստանում ՀՀ նախկին դեսպան, ՍԴ աշխատակազմի նախկին ղեկավար ԷԴԳԱՐ ՂԱԶԱՐՅԱՆԻ` սա արվում է հանրությանը մոլորության մեջ պահելու եւ գալիք իրադարձություններից Հայաստանի նկատմամբ Ադրբեջանի տարածքային պահանջներից, ուշադրությունը շեղելու նպատակով:

Նա հիշեցնում է Նիկոլ Փաշինյանի հայտնի հայտարարություններից մեկը. Նիկոլ Փաշինյանն օգոստոսի 31-ի մամուլի ասուլիսում, դրանից հետո՝ ԱԳՆ կազմակերպած Երեւանյան դիալոգ ֆորումում հստակ ասել է այդ տարածքներն անուններով, տարածքներով. Վայոց ձորի մարզը ամբողջությամբ, Սյունիքի մարզը ամբողջությամբ, Արարատի, Գեղարքունիքի, Տավուշի, Լոռու եւ Շիրակի մարզից հատվածներ, ըստ Ադրբեջանի սահմանադրության, համարվում են Ադրբեջանի տարածքներ: Մենք պահանջ չենք ներկայացնում Ադրբեջանի սահմանադրությունը փոխելու համար: Ադրբեջանն է պահանջներ ներկայացնում, որ մենք մեր սահմանադրությունը փոխենք, մենք էլ փոխելու ենք: Մենք տարածքային պահանջ չենք ներկայացնում, իրենք ունեն ու իրենց սահմանադրությամբ դա ամրագրված է: Հստակ է: Տիգրանաշենը որ տալիս է, Արարատի մարզը Տիգրանաշենից այն կողմ ընկած հատվածն է՝ Խոսրովի արգելոցով եւ այլնով: Գեղարքունիքի մարզը, որ ասում է, դա Սեւանա լիճն է ամբողջությամբ: Տավուշ, Լոռի, Շիրակ որ ասում է, դա Վրաստանի հետ սահմանը կտրելն է: Այսինքն, եթե Հայաստանը մնա, սահմանակից պետք է լինի միայն Ադրբեջանին ու Թուրքիային, որպեսզի դառնա մի պուճուր անկլավ: Այդտեղ էլ ասելու են, որ 170 հազար ադրբեջանցի պետք է գա ու ապրի: Եվ եթե այդ տարածքի անունը մնա Հայաստան, պիտի բնակեցված լինի առավելապես ադրբեջանցիներով:

Անդրադառնալով իրավիճակի լրջությանը` Էդգար Ղազարյանը զգուշացնում է, որ ՆԳ նախարարության հարակից տարածքից մինչեւ Հանրապետության հրապարակ գուցե ավելի հեռու է, քան ադրբեջանցիների ներկայիս դիրքերը Սեւանա լճից:

Ամբողջ 2022 թվականին Նիկոլ Փաշինյանը Ալիեւի հետ բանակցություններ է վարել Բրյուսելում: Արդեն Մոսկվայից դուրս էին եկել: Բանակցությունները միայն Բրյուսելում էին ու իբր բանակցել են խաղաղության շուրջ: Փաստն այն է, որ այդ բանակցությունից հետո սկսվել է ադրբեջանական ագրեսիան Հայաստանի դեմ, փաստն այն է, որ այդ ագրեսիայից տասն օր հետո ստորագրվել է Պրահայի հայտարարությունը, որը երկրորդ կապիտուլյացիոն հայտարարությունն է: Առաջին անգամ հայ պաշտոնյա է գտնվել, որ Արցախը ճանաչել է Ադրբեջանի կազմում: Դրանից հետո է սկսվել է Արցախի շրջափակումը՝ 2022 թվի դեկտեմբերին, դրանից հետո է Հակարիի կամրջին անցակետ տեղադրվել, - հիշեցնում է Ղազարյանը:

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Ռուսաստանը կարող է հարձակվել ՆԱՏՕ-ի տարածքի վրա «ամիսների ընթացքում, այլ ոչ թե տարիների». Չեխական հակահետախուզություն Քվեարկողների շատ մեծ հոսք է, հայկական կողմն ապահովում է անվտանգությունը. ՀՀ-ում ՌԴ դեսպան Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար ՌԴ դեսպանը այցելել է Զանգեզուրի և Ագարակի պղնձամոլիբդենային կոմբինատներ