Ոստիկանությունը որոնում է ոմն «Գռզո»-ին, ով քաղաքացուն սպառնացել է, որ իրեն 13 հազար դոլար վճարի

 SHAMSHYAN.com-ի տեղեկություններով ՀՀ ներքին գործերի նախարարության ոստիկանության Վաղարշապատի բաժնի կողմից որոնվում է «Գռզո» մականվամբ անձը։

Oգոստոսի 28-ին ոստիկանության Բաղրամյանի բաժին է դիմել Արմավիրի մարզի բնակիչ 42-ամյա Ա․ Քալաշյանը ով հայտնել է, որ օգոստոսի 11-ին՝ ժամը 18։30-ի սահմաններում, Վաղարշապատ-Երևան ավտոճանապարհին՝ Էջմիածնի վարչական տարածքում, «Mercedes» մակնիշի դեռևս  չպարզված համարանիշի ավտոմեքենայով կանգնեցրել են իրեն տեղափոխող տաքսի ավտոմեքենան, իջեցրել ավտոմեքենայից և 3 հոգի, որոնցից մեկը ներկայացել է Գարիկ, իսկ մյուսը «Գռզո» մականվամբ, որի ժամանակ «Գռզո»-ն սպառնացել է իրեն, որ 2022 թավականին շինարարության դիմաց Լեռնագոգ գյուղի բնակիչ Սերոժիկի տղային գումար չվճարելու համար իրեն պետք է վճարի 13 հազար ԱՄՆ դոլար։
 
Քանի որ տեղում պարզվել է, որ դեպքը տեղի է ունեցել Վաղարշապատի բաժնի կողմից սպասարկվող տարածքում, նյութերը ոստիկանության Բաղրամյանի բաժնից փոխանցվել են ոստիկանության Վաղարշապատի բաժին, որտեղ էլ, ձեռնարկելով անհրաժեշտ միջոցառումներ, պարզել են, որ ոմն Գարիկը հանդիսանում է Արմավիրի մարզի բնակիչ 47-ամյա Համլետ Բ․-ն, ում, ինչպես նաև ոմն «Գռզո»-ի ինքնությունը պարզելու, նրանց հայտնաբերելու ուղղությամբ ոստիկանության Վաղարշապատի բաժնում օպերատիվ հետախուզական աշխատանքներ են իրականացվում։

Դեպքի փաստով «հոգեկան ներգործություն» հատկանիշներով ոստիկանության Վաղարշապատի բաժնում փաստաթղթեր են ձևակերպվել, որոնք փոխանցվել են ՀՀ քննչական կոմիտեի Արմավիրի մարզային քննչական վարչության Վաղարշապատի քննչական բաժին։

Այս թեմայով 200 հազար դրամից ցածր աշխատավարձ ստացողները ներգրավվելու են ապահովագրության համակարգում. Թորոսյան Նվազագույն կենսաթոշակը կբարձրանա՝ դառնալով 47 հազար դրամ. սոցփաթեթի ծրագիրը հունվարից կավարտվի. Թորոսյան ՀՀ-ի՝ TRIPP-ից շրջանառության օգուտը կարող է կազմել 10 միլիոն դոլար, որը հավասար է մի խանութի տարեկան շրջանառության․ Հրանտ Միքաելյանը փակագծեր է բացում Փնտրվում է Վայքի ՔՊ-ական թեկնածուի դեկանը համ ֆեյք դեկանի հետքերով Ենթակայանում բռնկված հրդեհի հետևանքով շուրջ 5 հազար բաժանորդ հոսանքազրկված է, միլիոնների վնաս է կրել. Ռոմանոս Պետրոսյան