Այդ ինչու Նիկոլը սկսեց գովազդել չարչարկված 9-րդ կետը

Այս­պի­սով, այն տպա­վո­րութ­յունն է, որ Հա­յաս­տա­նում ո­րո­շա­կի ու­ժեր բա­վա­կա­նին ո­գե­ւոր­վե­ցին՝ մտա­ծե­լով, թե կա­րո­ղա­ցել են Ռու­սաս­տա­նին եւ Ի­րա­նին «Զան­գե­զու­րի մի­ջանցք» կոչ­վա­ծի շուրջ քա­շել սուր հա­կա­մար­տութ­յան մեջ (Տե´ս նաեւ https://iravunk.com/?p=292605&l=am): Թե­րեւս, մաս­նա­վո­րա­պես այդ ո­գե­ւո­րութ­յան արդ­յունք էր, որ վեր­ջա­պես ո­րո­շե­ցին ԵՄ-ին միա­նա­լու հայտ­նի օ­րա­կար­գով խոս­տաց­ված հան­րաք­վեն կազ­մա­կեր­պել, իսկ Ա­լենն այն­քան ա­ռաջ գնաց, որ Նի­կո­լին հա­կա­սե­լով, օ­րա­կարգ բե­րեց ռու­սա­կան ու­ժե­րին հե­ռաց­նե­լու թե­ման:

­Բայց ա­հա Խա­մենեիի ա­ռանց­քա­յին ներ­կա­յա­ցու­ցիչ­նե­րից մե­կի՝ Ի­րա­նի ազ­գա­յին անվ­տան­գութ­յան բարձ­րա­գույն խորհր­դի քար­տու­ղար Ա­լի Աք­բար Ահ­մա­դիա­նի մոս­կով­յան այ­ցը, Պու­տի­նի եւ Շոյ­գո­ւի հետ ու­նե­ցած շփում­նե­րը ե­կան հու­շե­լու, որ ռուս-ի­րա­նա­կան հա­րա­բե­րութ­յուն­նե­րի հար­ցում ծայ­րա­հե­ղութ­յուն­նե­րի մա­սին խո­սելն ա­նի­մաստ է, նա­խա­տես­վա­ծին պես ար­դեն մոտ մեկ ամ­սից սպաս­վող ԲՐԻԿՍ-ի գա­գա­թա­ժո­ղո­վում էլ երկ­կողմ ռազ­մա­վա­րա­կան հա­րա­բե­րութ­յուն­նե­րի մա­սին փաս­տա­թուղ­թը կստո­րագր­վի:

Իսկ ե­թե չլի­նի Ի­րա­նի կոշտ հա­կազ­դե­ցու­թյու­նը, Նի­կո­լը մնում է այն վի­ճա­կում, ո­րը նրա մոտ նկատ­վեց իր վեր­ջին ա­սու­լի­սում աղ­մուկ հա­նած հայ­տա­րա­րութ­յու­ննե­րը հնչեց­նե­լու փու­լում: Եվ հար­ցադ­րում­ներն էլ նրա հա­մար նույնն են՝ ստո­րագ­րե՞լ «խա­ղա­ղութ­յան պայ­մա­նա­գիր»՝ կո­մու­նի­կա­ցիա­նե­րի հար­ցում շեշ­տը դնե­լով նո­յեմ­բե­րի 9-ի հա­մա­ձայ­նագ­րի վրա, թե՞ մնալ ա­րեւմտ­յան ա­ռա­ջարկ­նե­րի տի­րույ­թում, որ­քան էլ որ Ա­լիե­ւը շա­րու­նա­կա­բար մեր­ժում է այն: Թե ին­չու, բա­ցատ­րութ­յուն­նե­րից մեկն էլ Զա­խա­րո­վա­յի նա­խօ­րեին այս հայ­տա­րա­րութ­յունն էր. «Վս­տահ ենք՝ Բա­քուն լավ է հաս­կա­նում՝ ին­չու են Վա­շինգ­տո­նը եւ ՆԱՏՕ-ի նրանց դաշ­նա­կից­նե­րը ձգտում ամ­րապն­դել ի­րենց դիր­քերն Ադր­բե­ջա­նում եւ­ ընդ­հան­րա­պես Հա­րա­վա­յին Կով­կա­սում, եւ լիո­վին գնա­հա­տում են ագ­րե­սիվ ռազ­մա­կան դա­շին­քի հետ փոխ­գոր­ծակ­ցութ­յան խո­րաց­ման ռիս­կե­րը»: Իսկ այս տրա­մա­բա­նութ­յան դեպ­քում արեւմտ­յան հար­թակ Ա­լիե­ւի թեք­վե­լու հե­ռան­կար­նե­րը մնում են շատ փոքր. ե­թե միայն նոր գլո­բալ փո­փո­խութ­յուն­ներ չլի­նեն, ին­չը եւս այս պա­հին քիչ հա­վա­նա­կան տեսք ու­նի»:

Եվ ա­հա, նա­խօ­րեին Նի­կոլն ԱԺ-ում վեր­ջա­պես ո­րո­շեց դե­տա­լա­յին անդ­րա­դառ­նալ նո­յեմ­բե­րի 9-ի հայ­տա­րա­րութ­յա­նը՝ հատ­կա­պես կենտ­րո­նա­նա­լով 9-րդ չար­չրկ­ված կե­տի վրա՝ հեր­թով ըն­թեր­ցե­լով դրա դրույթ­նե­րը:

«Ե­կեք կար­դանք՝ ինչ է գրված. «Ա­պաշր­ջա­փակ­վում են տա­րա­ծաշր­ջա­նա­յին բո­լոր տնտե­սա­կան եւ տրանս­պոր­տա­յին կա­պե­րը»: Սա նշա­նա­կում է, որ 9-րդ կե­տը միայն Ադր­բե­ջա­նի եւ Նա­խի­ջե­ւա­նի մի­ջեւ կապ հաս­տա­տե­լու մա­սին չէ: Ա­ռա­ջին հեր­թին դրա մա­սին չէ, դա ըն­դա­մե­նը թե­մա­յի ման­րա­մաս­նե­րից մեկն է: Դա բո­լոր տրանս­պոր­տա­յին կա­պե­րի բաց­ման մա­սին է, օ­րի­նակ Հա­յաս­տան-Ի­րան, Հա­յաս­տան-ՌԴ եր­կա­թու­ղի­ներ…»: Ու նա միան­գա­մայն ճիշտ է, ա­մեն դեպ­քում հենց այդ ուղ­ղութ­յամբ եւ տրա­մա­բա­նութ­յամբ էլ աշ­խա­տում էր Ռու­սաս­տա­նի, Ադր­բե­ջա­նի եւ Հա­յաս­տա­նի փոխ­վար­չա­պետ­նե­րի ե­ռա­կողմ խում­բը, մին­չեւ այդ աշ­խա­տանք­նե­րի կանգ առ­նե­լը:

«­Հա­յաս­տա­նը ե­րաշ­խա­վո­րում է Ադր­բե­ջա­նի ա­րեւմտ­յան շրջան­նե­րի եւ Նա­խի­ջե­ւա­նի մի­ջեւ տրանս­պոր­տա­յին հա­ղոր­դակ­ցութ­յան անվ­տան­գութ­յու­նը, քա­ղա­քա­ցի­նե­րի, տրանս­պոր­տա­յին մի­ջոց­նե­րի եւ բեռ­նե­րի եր­կու ուղ­ղութ­յուն­նե­րով ան­խո­չըն­դոտ տե­ղա­շար­ժը կազ­մա­կեր­պե­լու նպա­տա­կով»: Ու­շա­դիր լսե­ցի՞ք, ե­րաշ­խա­վո­րը ՀՀ-ն­ է, եւ բո­լոր նրանք, ով­քեր ա­սում են, որ ո­րե­ւէ եր­րորդ երկ­րի անվ­տան­գութ­յուն ա­պա­հո­վե­լու ե­րաշ­խիք է վե­րա­պահ­ված, պետք է ցույց տան, թե որ­տեղ է դա գրված: Ա­վե­լին, այդ եր­թե­ւե­կութ­յան կազ­մա­կեր­պո­ղը ՀՀ-ն­ է: Եվ ե­րաշ­խա­վո­րո­ղը, եւ կազ­մա­կեր­պո­ղը ՀՀ-ն­ է…»,- շա­րու­նա­կեց Նի­կոլը, ու այս­տեղ եւս նա միան­գա­մայն ճիշտ է՝ հենց դա էլ գրված է: Ու նա միան­գա­մայն տե­ղին նաեւ եզ­րա­կաց­նում է՝ այս­տեղ Հա­յաս­տա­նի ի­րա­վա­զո­րութ­յան եւ սու­վե­րե­նութ­յան դեմ ո­չինչ չկա:

­Հա­ջորդ նա­խա­դա­սութ­յու­նը. «Տ­րանս­պոր­տա­յին հա­ղոր­դակ­ցութ­յան նկատ­մամբ վե­րահս­կո­ղութ­յուն ի­րա­կա­նաց­նում են Ռու­սաս­տա­նի ԱԴԾ սահ­մա­նա­պահ ծա­ռա­յութ­յան մար­մին­նե­րը»: Որ­տե՞ղ է գրված, որ այս ԱԴԾ սահ­մա­նա­պահ ծա­ռա­յու­թյան մար­մին­նե­րը պետք է տե­ղում ներ­կա լի­նեն: Չ­կա տենց բան գրված: Ու սա ար­դեն առն­վազն տա­րօ­րի­նակ է. խոս­քը ներ­կա լի­նե­լու կամ չլի­նե­լու մա­սին չէ, խոս­քը «Տ­րանս­պոր­տա­յին հա­ղոր­դակ­ցութ­յան նկատ­մամբ վե­րահս­կո­ղութ­յան» մա­սին է, հենց դա կար­դաց Նի­կո­լը: Այդ վե­րահս­կո­ղութ­յունն ինչ­պե՞ս կլի­նի, դա այլ՝ հե­տա­գա պայ­մա­նա­վոր­վա­ծութ­յուն­նե­րի թե­մա է. ար­բան­յակ­նե­րի՞ց կվե­րահս­կեն, ա­նօ­դա­չու­նե­րի՞ց, կնստեն գնա­ցող-ե­կող ա­մեն գնացք ու կվե­րահս­կե՞ն, ադր­բե­ջա­նա­կան ա­մեն գնաց­քի վրա ռու­սա­կան դրո՞շ կդնեն, թե՞ մի այլ կերպ: Բայց ինչ տես­քով էլ դա ար­վի, Հա­յաս­տա­նի սու­վե­րե­նութ­յա­նը չի կա­րող հար­վա­ծել:

­Վեր­ջա­պես, Նի­կոլն ա­վար­տեց. «Հա­ջոր­դը, գրված է, «Կող­մե­րի մի­ջեւ հա­մա­ձայ­նեց­մամբ ա­պա­հո­վվե­լու է Նա­խի­ջե­ւա­նը Ադր­բե­ջա­նի ա­րեւմտ­յան շրջան­նե­րին կա­պող նոր տրանս­պոր­տա­յին հա­ղոր­դակ­ցութ­յուն­նե­րի շի­նա­րա­րութ­յու­նը»: Մենք հա­մա­ձայն ենք, ե­կեք ան­ցեք, ո՞վ է խան­գա­րում: Ադր­բե­ջա­նը հա­մա­ձայն չի, ո­րով­հե­տեւ ա­սում է՝ չէ, անվ­տան­գութ­յու­նը դու չպետք է ա­պա­հո­վես: Մենք ստո­րագ­րել ենք, որ Հա­յաս­տա­նը պետք է դա ա­պա­հո­վի: Ո­րե­ւէ տեղ գրված չէ, որ Հա­յաս­տա­նի ինք­նիշ­խա­նութ­յու­նը ո­րե­ւէ կեր­պով սահ­մա­նա­փակ­վում է իր ո­րե­ւէ տա­րած­քի նկատ­մամբ»: Ար­դեն ե­կանք հա­վի ու ձվի պատ­մութ­յա­նը, թեեւ ա­մեն բան շատ հստակ է. Հա­յաս­տա­նը «ե­րաշ­խա­վո­րում է», ՌԴ ԱԴԾ՝ «վե­րահս­կո­ղութ­յուն ի­րա­կա­նաց­նում»: Ե­րաշ­խա­վո­րելն ու ի­րա­կա­նաց­նե­լը տար­բեր բա­ներ են, ինչ­քան էլ որ Նի­կո­լը փոր­ձի այդ «ի­րա­կա­նաց­ման» պա­հը գցի «պա­պի բոս­տա­նը»:

­Բայց լավ, ան­գամ այս «մեկ­նա­բան­ման կա­րոտ» դրույ­թի պայ­ման­նե­րում, Նի­կո­լը նկա­րագ­րում է Հա­յաս­տա­նի հա­մար միան­գա­մայն ձեռն­տու 9-րդ կետը: Ու այս­տեղ շատ պարզ հարց է ա­ռաջ գա­լիս: Ե­թե այդ կե­տը Հա­յաս­տա­նի հա­մար շատ ձեռն­տու է, եւ դեռ մի բան էլ Ադր­բե­ջանն է մեր­ժում, չէ՞ որ կա եր­րորդ կող­մը՝ Ռու­սաս­տա­նը, ո­րը մի գլուխ հայ­տա­րա­րում է, թե հայ-ադր­բե­ջա­նա­կան պայ­մա­նագ­րի հիմ­քում պետք է դրվի հենց ե­ռա­կողմ պայ­մա­նա­վոր­վա­ծութ­յուն­նե­րը՝ Նի­կո­լի այդ­քան գո­վեր­գած եւ Հա­յաս­տա­նին այդ­քան ձեռն­տու 9-րդ կե­տով հան­դերձ: Բա էլ ին­չո՞ւ են մի գլուխ հայ­հո­յում ռուս­նե­րին, փո­խա­նակ վա­զեն, կողք­նե­րը նստեն, թե միա­սին պար­տադ­րենք Ա­լիե­ւին, ով չի ու­զում հենց այդ կե­տով ա­ռաջ գնալ: Մինչ­դեռ հենց Ա­լիեւն է ռուս­նե­րի կող­քը նստած՝ իր հեր­թին ա­նընդ­հատ խո­սե­լով այդ կե­տի մա­սին:

­Բայց հարցն այս պա­հին այլ է՝ տես­նես ի՞նչ պա­տա­հեց, Նի­կո­լը սկսեց գո­վազ­դել այդ կե­տը:

Այս թեմայով ՈՒՐԵՄՆ Ի՞ՆՉ, ՆԻԿՈԼԸ ԿՎԵՐԱԿԱՆԳՆԻ՞ ՀԱՊԿ-Ի ՀԵՏ ՀԱՐԱԲԵՐՈՒԹՅՈՒՆՆԵՐԸ Ինչու Թրամփը «գցեց» Ուկրաինային. Financial Times ՄՈՍԿՎԱՆ ՍԿՍԵՑ ԲԱՆԱԿԱՅԻՆ ՎԵՐԻՆ ՀՐԱՄԱՆԱՏԱՐՈՒԹՅԱՆ ԽՈՐԸ ՎԵՐԱԿԱՌՈՒՑՈՒՄ Որդիս իմ հետ լավ հարաբերությունների մեջ է. ինչու ամուսնալուծվեց Մայա Մարգարյանը Օրեր առաջ Նիկոլը ԱԺ-ում աջ ու ձախին համբալ էր գոռում․ այսօր թուրքերն իրենց նորընծա համբալին կալմեջ են արել ու ծաղրում են․ Միհրան Հակոբյան (Video)