Նալբանդյանցին մարդասպան չէ՛, ոստիկան սպանող չէ՛. Այսեր Իսայան

Վերջին հրաժեշտն են տվել ծառայողական պարտականությունները կատարելիս զոհված ՆԳՆ ոստիկանության Արմավիրի բաժնի քրեական հետախուզության բաժանմունքի օպերլիազոր, ոստիկանության կապիտան Հայրապետ Ստեփանյանին։ Հիշեցնենք, որ Նալբանդյան համայնքի բնակիչներից 41-ամյա Մանուկ Մարգարյանը սեպտեմբերի 7-ին կրակոցներ էր արձակել ոստիկանության ծառայողների ուղղությամբ, որի հետեւանքով զոհվել էր կապիտան Ստեփանյանը եւ հրազենային վիրավորում ստացել համայնքային ոստիկանության տեսուչ, ոստիկանության լեյտենանտ Արթուր Այվազյանը: «Իրավունք»-ի հետ զրույցում նույն համայնքի բնակիչ, «Հանուն ժողովրդի բարեկեցության մարդասիրական եւ տնտեսական զարգացման» ՀԿ նախագահ, իրավապաշտպան ԱՅՍԵՐ ԻՍԱՅԱՆԸ  կոչով դիմեց բոլոր նրանց, ովքեր իրենց տներում պահում են ապօրինի զենք-զինամթերք:

— Թող իմանան, որ մի օր այդ զենքը կրակելու է, թող տանեն հանձնեն ոստիկանություն: Հորդորում եմ նաեւ չմոռանալ, որ ոստիկանությունն իմ ու քո, բոլորիս ընտանիքների անվտանգության, խաղաղ քնի, հասարակական կարգի ապահովման երաշխավորն է: Այն, որ այսօր վտանգված է ոստիկանի կյանքը, սա չափից ավելի մեծ ցավ է: Եվ վերջում ուզում եմ շեշտել՝ նալբանդյանցին մարդասպան չէ՛, ոստիկան սպանող չէ՛: Սա դեպք էր, որը հարված էր ամբողջ գյուղի հեղինակության ու պատվի համար:

ՀՐԱՆՏ ՍԱՐԱՖՅԱՆ

Այս թեմայով Մայիսյան ձյուն Շիրակի մարզի գյուղ Նահապետավանում. Սուրենյանը կադրեր է հրապարակել Մայոն հրաբխի ժայթքումից մոտակա 52 գյուղ ծածկվեց մոխրով (Տեսանյութ) Պետությունը իրավունք ունի փոխել պատկերը, բայց չունի իրավունք փոխել ժողովրդի հիշողությունը. Բացառիկ զրույց հայտնի իրավապաշտպանի հետ Ադրբեջանի փոխվարչապետը ցանկություն է հայտնել այցելել իր ծննդավայր՝ Նոյեմբերյանի Ջուջևան գյուղ. shamshyan Տրոլեյբուսի վարորդի վրա շիշ շպրտած կինը զոհվածի ծնող է, նրան բերման են ենթարկել