Կանոնակարգի անվան տակ ՀՀ-ն են ծախում

ՀՀ կառավարության նիստի ժամանակ երեկ չզեկուցվող հարցերի թվում գործադիրը հաստատեց «Հայաստանի Հանրապետության եւ Ադրբեջանի Հանրապետության միջեւ պետական սահմանի սահմանազատման եւ սահմանային անվտանգության հարցերով հանձնաժողովի ու Ադրբեջանի Հանրապետության եւ ՀՀ-ի միջեւ պետական սահմանի սահմանազատման պետական հանձնաժողովի համատեղ գործունեության մասին» կանոնակարգը վավերացնելու մասին» օրենքի նախագիծը: Այն ուղարկվել է ՍԴ: Անդրադառնալով վերոնշյալին՝ ԱԺ «Պատիվ ունեմ» խմբակցության պատգամավոր ԱՆՆԱ ՄԿՐՏՉՅԱՆԸ նշեց, որ այդ կանոնակարգը հերթական զիջումների մասին է: Նրա գնահատմամբ՝ հաջորդիվ կատարվող զիջումները կանոնակարգի անվան տակ են իրականացվելու:

— Այդ փաստաթղթի իրավական հիմքի վիճարկելիության եւ անթույլատրելիության մասին մասնագետներն արդեն խոսել են։ Այդ բովանդակությունը իրավական ակտի վերնագրին ընդհանրապես համապատասխան չէ: Մեզ ասում են՝ հանձնաժողովների աշխատանքի ձեւի եւ ոճի մասին է այդ փաստաթուղթը: Ո՛չ, դա ՀՀ-ի հերթական զիջումների մասին է, թուրք-ադրբեջանական շահերի ու ցանկությունների հաջորդ փաթեթն է այս անգամ մեզ մատուցված: Այդ փաստաթուղթն իրավական կոլիզիա է, որովհետեւ ՀՀ-ի եւ Ադրբեջանի իրավական բազան տոտալ տարբերվում են իրարից։ Էլ չեմ ասում, որ իրավական հիմքն է անգամ տարբեր։ Հետեւաբար, այ, թե ինչի համար էր ՍԴ-ն շրջափակվում, հակասահմանադրական ճանապարհով փոխվում էր ՍԴ կազմը, ինչու են այսօր ՀՀ-ում տասնյակ քաղբանտարկյալներ, ինչու է նստած Արմեն Աշոտյանը: Հենց այսօրվա համար, որ կանոնակարգի անվան տակ ՀՀ-ն ծախեն եւ մեր բնակչությունն ու պետության գոյությունը հետո դնեն վտանգի տակ:

ՀՐԱՆՏ ՍԱՐԱՖՅԱՆ

Այս թեմայով Հայաստանը խժռում է իր զավակներին. Պետերբուրգում Փաշինյանի հետ հանդիպումն ընթացել է գերլարված Պարույր Հայրիկյան, դու անպարտ ես. Աղմկահարույց գործերով հայտնի փաստաբանը հայտարարությամբ է հանդես եկել Կամ պետք է կալանավորի Վեհափառին, կամ տասին վերցնի նոր եկեղեցի ստեղծի, որը ծիծաղելի կլինի. Աղազարյանը հնարավոր սցենարների մասին «Հրապարակ». Խորհրդարան կգնան Աննա Հակոբյանի «կրթված» ընկերուհիները Բարձրագույն կրթություն չունենալը պատճառ չէ, որ պատգամավոր չլինեմ, վարչությունը կորոշի․ ՔՊ պատգամավոր