Գուցե վերադառնանք 1989 թվականի դեկտեմբերի 1-ի որոշմա՞նը. Գառնիկ Իսագուլյան

«Ազգային անվտանգություն» կուսակցության նախագահ ԳԱՌՆԻԿ ԻՍԱԳՈՒԼՅԱՆՆ անդրադառնալով Արցախի անկախության 33-ամյակի կապակցությամբ հնչած քաղաքական ելույթներին, հայտարարություններին՝ ցավով արձանագրեց, որ դրանցում անդրադարձ չեղավ ՀՀ անկախության հռչակագրին եւ 1989 թվականի դեկտեմբերի 1-ի` Արցախը Հայաստանի հետ վերամիավորման որոշմանն, ինչը շատ կարեւոր է:

— Ինչու Արցախի` Հայաստանի հետ միացումը հետո փոխարինվեց ինքնորոշման  կամ անկախության հանրաքվեի: Գուցե մենք վերադառնանք 1989 թվականի դեկտեմբերի 1-ի որոշմանը եւ նաեւ մեր Անկախության հռչակագրի՞ն, որի վերացումը շատ ցանկանում է Ալիեւը: Ես միշտ գտել եմ, որ մենք տարբեր ժամանակներում փոքրիկ նահանջներ ունենալով՝ վերջին հաշվով եկանք, հասանք այս իրավիճակին, նաեւ սա պետք է ազնվորեն խոստովանել:

Հիմա հորդորս է Արցախի Հանրապետության Ազգային ժողովի պատգամավորներին՝ ընկերնե՛ր, դուք լեգիտիմ մարմին եք, ձեր գործունեությունը պետք է լինի ամենօրյա: Դուք պետք է որոշումներ կայացնեք: Արցախի նախագահ Սամվել Շահրամանյանը պարտավոր է ամեն տեղ շատ ակտիվ հանդես գալ՝ անկախ նրանից, թե Հայաստանի իշխանություններն ինչ են անում կամ ինչ են ուզում անել: Քրեական գործերից ամենեւին պետք չէ վախենալ: Դա չի նշանակում, որ մենք պետք է ընկրկենք ու չաշխատենք: Արցախի Հանրապետության նախագահը, Ազգային ժողովը եւ կառավարությունը պետք է օրնիբուն աշխատեն եւ կայացնեն որոշումներ: Դրանով նախ նրանք ցույց կտան աշխարհին, որ Արցախն իր բոլոր պետական մարմիններով, այո՛, վտարանդի, բայց աշխատում է:

Իսկ, ընդհանուր առմամբ, բոլորիս գերագույն խնդիրը այսօր օրվա իշխանություններն են, որոնցից օր առաջ պետք է ազատվել: Նաեւ դիմում եմ բոլոր նրանց, ովքեր ժամանակին պաշտոններ են զբաղեցրել, պետք չէ վախենալ, հարկավոր է ակտիվ աշխատանք:

Այս թեմայով ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է Չի կարող լինել խաղաղություն, եթե մեր հայրենակիցները բաքվի բանտում են․ Դանիելյան ՇՏԱՊ. ՀՀ նախագահ անճանաչելիորեն փոխվել է. ՖՈՏՈ Վիզ դրեք անցնեմ՝ դիլխոր չեմ թողնի. Խաղադրույքների սիրահար նախկին քաղաքապետն էլ է պայքարի մեջ մտնում