ՀՀ կառավարությունը հաստատել է սահմանազատման հանձնաժողովների համատեղ գործունեության կանոնակարգը

Կառվարության այսօրվա՝ սեպտեմբերի 5-ի նիստի չզեկուցվող հարցերի շարքում վավերացվեց Հայաստանի Հանրապետության և Ադրբեջանի Հանրապետության միջև պետական սահմանի սահմանազատման և սահմանային անվտանգության հարցերով հանձնաժողովի ու Ադրբեջանի Հանրապետության և Հայաստանի Հանրապետության միջև պետական սահմանի սահմանազատման պետական հանձնաժողովի համատեղ գործունեության մասին» կանոնակարգը:

Նախագծի հիմնավորման մեջ նշվում է՝

Հիմք ընդունելով «Ազգային ժողովի կանոնակարգ» Հայաստանի Հանրա­պե­տության սահմանադրական օրենքի 65-րդ հոդվածի 3-րդ մասը և «Միջազ­գային պայմանագրերի մասին» Հայաստանի Հանրապետության օրենքի 12-րդ հոդվածի 3-րդ մասը՝ Հայաստանի Հանրապետության կառավարությունը որոշում է.

1․ Հավանություն տալ 2024 թվականի օգոստոսի 30-ին ստորագրված «Հայաստանի Հանրապետության և Ադրբեջանի Հանրապետության միջև պետական սահմանի սահմանազատման և սահմանային անվտանգության հարցերով հանձնա­ժողովի ու Ադրբեջանի Հանրապետության և Հայաստանի Հանրապետության միջև պետական սահմանի սահմանազատման պետական հանձնաժողովի համատեղ գործունեության մասին» կանոնակարգը վավերացնելու մասին» Հայաստանի Հանրապետության օրենքի նախագծի վերաբերյալ Հայաստանի Հանրա­պետության կառավարության օրենսդրական նախաձեռնությանը:

2․ Կանոնակարգում ամրագրված պարտավորությունների՝ Հայաստանի Հան­րա­­­պետության Սահմանադրությանը համապատասխանությունը որոշելու նպատա­կով դիմել Հայաստանի Հանրա­պետության սահմանադրական դատարան:

3․ Հայաստանի Հանրա­պետության սահմանադրական դատարանի կողմից կանոնակարգում ամրագրված պարտավորությունները Հայաստանի Հանրա­պե­տու­­­թյան Սահմանադրությանը համապատասխանող ճանաչելու մասին որոշման դեպքում Հայաստանի Հանրա­պետության կառավարության օրենսդրական նախա­ձեռնությունը սահմանված կարգով ներկայացնել Հայաստանի Հանրա­պետության Ազգային ժողով:

4․ Հայաստանի Հանրա­պետության սահմանադրական դատարանում Հայաս­տանի Հանրա­պետության կառավարության ներկայացուցիչ նշանակել Հայաստանի Հանրապետության փոխվարչապետ Մհեր Գրիգորյանին։

Այս թեմայով Առաջիկայում մեզ սպասում են մեծ իրադարձություններ, առաջինը՝ սահմանազատում. պետք է այնպես անենք, որ 50 տարի հետո մի հատ ծառի, մի հատ թփի համար կոնֆլիկտը չվերաբորբոքվի. Փաշինյան Բաղձալի խաղաղություն, թե ազգակործանում Պետք է սահմանազատում իրականացնել պատմության ու այսօրվա միջև․ Նիկոլ Փաշինյան Տավուշում սահմանազատումը կանցկացվի 1978 թ. սահմանով. Sputnik Արմենիա ՀՀ-ն ցանկանում է ոչ միայն հայ-ադրբեջանական, այլ նաև հայ-վրացական սահմանի սահմանազատում. Միրզոյան