Արձանագրվել է սպառողական վարկերի էական աճ, չաշխատող վարկերը նվազել են

Հայաստանում սպառողական վարկերի էական աճ է նկատվում, ավելացել են նաև հիփոթեքային վարկերը, ընդհանուր վարկերի մեջ նվազել է վատորակ կամ չաշխատող վարկերի կշիռը՝ հասնելով 1.2 տոկոսի: Այս մասին ասաց Կենտրոնական բանկի խորհրդի անդամ Հասմիկ Ղահրամանյանը ԱԺ ֆինանսավարկային և բյուջետային հարցերի հանձնաժողովի նիստում` 2024 թվականի պետական բյուջեի առաջին կիսամյակի կատարման ընթացքի վերաբերյալ հաշվետվության քննարկման շրջանակում: 

«Ներկայում մենք արձանագրում ենք սպառողական վարկերի էական աճ, հիփոթեքային վարկերի աճ: Դրանք փոխկապակցված են, որովհետև հիփոթեքային վարկերի աճը ինչ-որ ժամանակ հետո վերանորոգման և այլ ծախսերի անհրաժեշտության պարագայում հանգեցնում է սպառողական վարկերի աճի: Մենք գնահատում ենք, որ դրանք տնտեսության ներուժին չնպաստող գործոններ են»,–ասաց Ղահրամանյանը:

Նա հույս հայտնեց, որ տնտեսության կառուցվածքի բալանսավորման արդյունքում արդյունաբերությանը կամ գյուղատնտեսությանը տրվող վարկերի ծավալներն ավելի կավելանան:

«Մենք ունենք վատորակ կամ չաշխատող վարկերի էական նվազում ընդհանուր վարկերի մեջ: Դրանք 2022-ին կազմել են 2.8 տոկոս, 2023-ին՝ 2.4, ներկայում 1.2 տոկոս են ընդհանուր վարկերի մեջ: Դա շատ լավ ցուցանիշ է առհասարակ բանկային համակարգի պատմության ամբողջ ընթացքում»,-ասաց Ղահրամանյանը:

Այս թեմայով ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել Երկրները հիմնականում պարտք վերցնում են ճգնաժամերի ժամանակ, իսկ եթե տեղի ունենա այդ ճգնաժամը, ապա այստեղ մենք արդեն ավելի խոցելի ենք լինելու ՀԷՑ-ի գրավադրման ոդիսականը եւ Կառավարության ժառանգած վարկային պարտավորությունը Հայաստանի վարկային կազմակերպությունների զուտ շահույթը նվազել է 31.6%-ով Այս պահից Արցախից բռնի տեղահանվածները կարող են դիմել և ստանալ 2-րդ վերանորոգման վարկը