Վթարի դեպքում ոչ միայն Հայաստանը կտուժի. Բաքվում անհանգստացած են Մեծամորի ատոմակայանի առնչությամբ

Ադրբեջանի վերականգնվող էներգետիկայի փոխնախարարը զարմանք է հայտնել Հայաստանում ատոմակայանի անջատման կապակցությամբ և ակնարկել «կիրառվող որոշ տեխնոլոգիաների վերաբերյալ ունեցած անհանգստության մասին»։ Գրում է 168․am-ը։

Այս մասին Էլնուր Սոլթանովը նշել է «Ազատ Եվրոպա/Ազատություն» ռադիոկայանին տված մեկնաբանությունում: Նրա խոսքով, «ատոմակայանը կարող է չհամապատասխանել համաշխարհային չափանիշներին»: Նա ընդգծել է, որ վթարի դեպքում «ոչ միայն Հայաստանը կտուժի»։

Հիշեցնենք, որ օգոստոսի 30-ի երեկոյան հայտնի դարձավ, որ Մեծամորի ատոմակայանը վթարային կանգառի ռեժիմով անջատվել է էներգահամակարգից։ Կանգի պատճառ էր հանդիսացել կայծակի հարվածը, որի հետևանքով կայանի անվտանգության համակարգերը կայանը բերել էին անվտանգ կանգառի ռեժիմի։ Ատոմակայանը, սակայն, արդեն երեկ կրկին միացվել է էլեկտրաէներգետիկ համակարգին, սկսել աշխատել ամբողջական հզորությամբ։

Այս թեմայով Փաշինյան. Երևանը Մոսկվայի հետ քննարկում է նոր ատոմակայանի կառուցման հարցը Օրեր անց կմեկնարկի հայկական ատոմակայանի շահագործման ժամկետը մինչև 2036 երկարաձգելու ծրագիրը Մեր ատոմակայանի կյանքը կերկարաձգենք մինչև 2036 ու կանցնենք մոդուլային ռեակտորի․ Փաշինյանը՝ Փարիզում Ատոմակայանի ճակատագրին ոչինչ չի սպասվում, ինտենսիվ աշխատանք ենք տանում, բայց չենք շտապում. նախարար Ատոմակայանի աշխատանքը ևս 10 տարով կերկարացնենք, ժամկետի փոփոխման առաջին ծրագիրն ենք սկսել․ նախարար