Ինչպե՞ս կարող է լիցենզիա չունեցողը հաշվիչ դրամարկղային կտրոն տրամադրել. Ինչ է սպասվում տաքսիստներին սեպտեմբերի 1-ին

Սեպտեմբերի 1-ից ուժի մեջ է մտնում մարդատար-տաքսի ավտոմոբիլներով ուղևորափոխադրումների իրականացման վերաբերյալ նոր կարգավորումը, որի համաձայն պարտադիր է միանալ հարկային մարմնի էլեկտրոնային համակարգին և տրամադրել էլեկտրոնային ՀԴՄ կտրոն։ Օրենսդրական փոփոխությունը կկարողանա՞ կարգավորել ոլորտը հարցին անդրադառնում է Հայաստանի տաքսի ծառայությունների գործատուների ճյուղային միության նախագահ Վահագն Սահակյանը, ում պնդմամբ օրենքը ոչ մի ոլորտ չի կարգավորելու.

– Սա ոչ մի ոլորտ էլ չի կարգավորելու, ուղղակի ամրապնդելու է Yandex-ի դիրքերը՝ մոնոպոլիա սարքելու համար: Կարգավորումների վերաբերյալ մենք տարիներ առաջ առաջարկներ ենք ներկայացրել, հայկական արտադրության սարքավորումներ ենք առաջարկել, ամբողջ մեխանիզմ ենք առաջարկել, 2018-ից մինչև հիմա ձայները կտրել էին, հիմա որոշել են էլեկտրոնային հսկիչ դրամարկղային մեքենա՝ ՀԴՄ վաճառել վարորդների վրա։ Դուք գիտե՞ք, թե վարորդներն ինչ ընթացակարգերով են անցնելու այդ էլեկտրոնային կտրոն տրամադրող ՀԴՄ-ի, որն օնլայն ու վիրտուալ POS-ով է աշխատելու (բանկային քարտերով վճարումներ ընդունող սարք) գրանցման համար։ Ճշտեք դրանց գրանցումը, թե բանկերն ինչ կարգով են անում, ինչ պահանջներ են ներկայացնում, ու այդ գործընթացը մոտավորապես քանի ամիս է տևում։ 

Ես երկու ամիս ընկել եմ այդ էլեկտրոնային ՀԴՄ-ն գրանցելու հետևից, դուք չեք պատկերացնի՝ բանկերում ինչ է կատարվում, ինչու են տարել կապել բանկերին, ու ամեն բան արվում է բանկերի քմահաճույքով՝ ինչ թղթեր է ուզում, ինչ պահանջներ է դնում, վերջում էլ՝ մեկ ամիս հետո, ինձ զանգեցին ասացին՝ ձեր սարքերի շրջանառությունը փոքր է, մեզ ձեռք չի տալիս ձեր ՀԴՄ-ի վրա POS բացելը, փակեցին։ 

Այսինքն՝ տաքսիում, միանշանակ չի բավարարելու այդ շրջանառությունը․ նախ՝ այդ սարքի արժեքը, երկրորդը՝ այդ սարքը կտրոնն ինչի՞ հիման վրա է տպելու, ո՞նց են չափելու։ Բոլորը մոռացել են, որ խոսքը «Չափումների միասնականության ապահովման մասին» օրենքի մասին է, որ տաքսիների ուղեսրահում պետք է սակաչափիչ (счетчик) լինի, բայց որ կտրոն պետք է տրամադրեն՝ չգիտես ինչի հիման վրա, դա պարտադիր են անում։ Գիտեք ինչ, սա ավելի շատ զառանցանքի է նման։ 

Վերջինս պնդում է.

-Օրենքը չի կարող աշխատել։ Ինչպե՞ս կարող է լիցենզիա չունեցողը հաշվիչ դրամարկղային կտրոն տրամադրել, բոլոր տաքսիներն այդ վիճակում են։ Այնպես էլ չէ, որ «Լիցենզավորման մասին» օրենքը չի աշխատում, Գյումրիում արդեն մի քանի մեքենա բռնել, տուգանք են գրել՝ լիցենզիա չունենալու համար, բայց 60 հազար են Yandex-ով վարում, ոչ մեկը չի տուգանում, Եղեգնաձորում, Սևանում էլ են նման դեպքեր եղել, որ տուգանել են։ Yandex-ին չեն տուգանում, որովհետև, շրջանառվող խոսակցությունների համաձայն, բաժին են վերցրել, չեմ կարող հերքել կամ հաստատել սա, շուկայում այդ ընկերությունն ինչ ուզում անում է։ 

Տաքսու շրջանառությունը Հայաստանում օրական մոտ 600 միլիոն դրամ է, որի 120 միլիոնը այդ օնլայն տաքսիների մաքուրն եկամուտ է, 20%-ն իրենք տանում են մաքուր, ոչ մի ծախս չունեն, մի հատ հեռախոսի հավելված են գրել ու վերջ։ Օրը 120 միլիոն դրամի մաքուր եկամուտ ունեն դրանք, դե պատկերացրեք, թե ինչու են բոլորին այդ դաշտ տանում, ինչու են մոնոպոլացնում: 

Մինչև 2015 թվականը Հայաստանում տաքսի ծառայության ոլորտն ամենաազատականն էր, 2015-ից հետո բերեցին է Yandex-ին, չեմ ուզում անուններ տալ, բայց ասեմ, որ ամենասկզբում ինձ են առաջարկել բոլորին հավաքել բռի մեջ, ես հրաժարվեցի, ասացի՝ մարդկանց այդպիսի վատություն չեմ անի, մոնոպոլիա չպետք է լինի, մարդիկ ազատ աշխատում են այդ դաշտում, երկու օր հետո Yandex-ին «ներմուծեցին» Հայաստան։ 

Այս թեմայով Տղե՛րք, «փա՞յ» ունեք, եթե ո՛չ, խի՞ չեք հետևում՝ 100 հազար վարորդի խախտված իրավունքները վերականգնվեն Եթե մեր խնդիրը չլուծվեց, պարալիզացնելու ենք քաղաքը, խի՞ պիտի խաբված զգամ ինձ. տաքսու վարորդ Առողջապահության նախարարությունը քննարկում է օնլայն տաքսիների վարորդների առաջարկը` ներառվելու համընդհանուր առողջության ապահովագրության մեջ Օնլայն տաքսու վարորդները ստորագրահավաք են սկսում. Պահանջում են իրենց համարել գրանցված աշխատողներ Կոտայքի բնակիչը տաքսի է պատվիրել, ապա, шտրճանակի uպառնալիքnվ, առևանգել մեքենան