Ասում ենք` պարոն Աշոտյանն ո՞ւմ է վնաս պատճառել, ասում են՝ վնաս էլ չկա. Աննա Մկրտչյան

Հակակոռուպցիոն դատարանում, դատավոր Վահե Դոլմազյանի նախագահությամբ, երեկ շարունակվեց ՀՀԿ փոխնախագահ, անազատության մեջ գտնվող Արմեն Աշոտյանի գործով քննությունը: Անդրադառնալով Ա. Աշոտյանի քրեական գործին՝ ՀՀ ԱԺ «Պատիվ ունեմ» խմբակցության պատգամավոր ԱՆՆԱ ՄԿՐՏՉՅԱՆՆ ընդգծեց, որ ՀՀ-ում միայն անվտանգային խնդիրներ չեն, այլ գոյություն չունի ներքին կայունություն, չկա ներքին համերաշխություն:

— Ատելությունը, ատելության խոսքը, խոսքի նկատմամբ անհանդուրժողականությունը, ազատ խոսքի նկատմամբ բռնաճնշումները կազմակերպվում եւ իրականացվում են հենց իշխանության կողմից։ ՀՀԿ փոխնախագահ Արմեն Աշոտյանն ամենավառ օրինակն է: Չնայած ՀՀ-ում շատ ավելի շատ են քաղաքական բանտարկյալներն ու քաղհալածյալները, միայն պարոն Աշոտյանով չի սահմանափակվել ներկա իշխանությունը, բայց այսօր դատական համակարգը հասել է այնպիսի աբսուրդի, որ մենք, գալով դատարան իբր դատավարական գործընթացի, ասում են՝ ճիշտ եք ասում, տուժող չկա, ասում ենք` պարոն Աշոտյանն ո՞ւմ է վնաս պատճառել, ասում են` վնաս էլ չկա։ Ասում ենք Բժշկական համալսարա՞նն է տուժել, ասում են՝ չէ, Բժշկական համալսարանը օգուտ է քաղել, հիմա էլ իր նոր կազմով նոր ռեկտորը վայելում է պարոն Աշոտյանից ստացած, ձեռք բերած գույքը։ Անհոգ շարունակում են խախտել ՀՀ քաղաքացիների իրավունքները, վաճառել ՀՀ-ն այն փոքրիկ բրյոշուրներով, ներողություն բառիս համար՝ այն գունավոր ժեշտով, որը պատրաստել են եւ անունը դրել Հայաստանի Հանրապետություն:

Այս թեմայով Բա մի օր վեր կացեք, ասեք՝ Ալի՛և, գլուխդ պա՛տով ես տալիս, որևէ թթու խոսք նրան չեք ասում․ Խաչատրյան Գնում ենք խիստ խափանման միջոցի. Աննա Վարդապետյանը խոսեց Վեդիում անչափահաս քույրերին սեռական բռնության ենթարկելու դեպքի մասին Այս կասկածելի Աննա Հակոբյանը Իոաննիսյանի մոտ «ասիչ է» փնտրում. ԲԱՄԲԱՍԱՆՔ Կիրանցի եկեղեցում Նիկոլ Փաշինյանին ուղեկցում է պատգամավոր Գեղամ Նազարյանը․ Լուսանկարներ