Չեմ կարող ձերբազատվել բազմաթիվ սխալների և բացթողումների մասին մտքերից. Արցախի անկախությունից 33 տարի անց

 1991 թվականի սեպտեմբերի 2-ին Արցախը հռչակեց իր անկախությունը Խորհրդային Միությունից: Դրանից երեք ամիս անց՝ 1991-ի դեկտեմբեր 10-ին, Խորհրդային Միության պաշտոնական անկումից ընդամենը մի քանի օր առաջ, Լեռնային Ղարաբաղում անցկացվեց հանրաքվե, որի ընթացքում ազգաբնակչության ճնշող մեծամասնությունը՝ 99,89 տոկոսը, արտահայտվեց Ադրբեջանից լրիվ անկախանալու օգտին: Դրան հետևած ընտրություններում ընտրվեց Լեռնային Ղարաբաղի խորհրդարան, որն էլ կազմեց առաջին կառավարությունը:

Ի՞նչ զգացողություններ ունեն այսօր արցախահայ մեր հայրենակիցները, երբ երբեմնի անկախ Արցախում այսօր տեղակայված է թշնամին ու իր բանակը, հարցը ուղղել ենք Արցախյան շարժման ակտիվիստ, հասարակական-քաղաքական գործիչ Բորիս Առուշանյանից, ով նկատեց.

-Բառերով հնարավոր չէ նկարագրել այն ինչ զգում եմ:  Հռչակագիրն ընդունվել է այն բանից հետո, երբ պարզ դարձավ ՀՀ իշխանությունների դիրքորոշումը. Նրանք սխալմամբ փորձեցին խուսափել լայնամասշտաբ պատերազմից և բաց թողեցին Արցախի հետ վերամիավորվելու հնարավորությունը՝ միջազգային իրավունքի բոլոր կանոններով և ԽՍՀՄ օրենքներով։

Հռչակագիրը գրագետ կազմված էր և մի քանի տարբերակ էր նախատեսված, այդ թվում՝ Արցախի անկախության հռչակումը։ Մի քանի ամիս քննարկումներ ու վեճեր եղան, մինչև վերջապես որոշեցին հանրաքվե անցկացնել և նոր պետական կառույցներ ձևավորել։

Պետք էր շտապել, քանի որ պատերազմը թեժանում էր, և դիմադրություն կազմակերպելը դարձավ ժամանակի պահանջ։ Շատ եմ ցավում, որ այսօր այդ հանդիսավոր օրը նշելու ենք ոչ Արցախում։ Ես չեմ կարող ձերբազատվել բազմաթիվ սխալների և բացթողումների մասին մտքերից, որոնք թույլ են տրվել։ Հուսով եմ՝ հայ ժողովրդի ինքնակազմակերպմամբ հնարավոր կլինի ուղղել նրան և քայլ առ քայլ վերականգնել կորցրածը։

Այս թեմայով Նման նշանները վկայո՞ւմ են խոշոր պատերազմի մոտենալու մասին (Տեսանյութ) Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Բաքուն լուծում է հիմնարար խնդիր՝ հայերի վրա փակցնել «եկվոր ժողովրդի» պիտակ. Օկուպացված Արցախի պատգամավոր