Սեպտեմբերին Կիրանցի աշակերտները կգնան նոր սահմանից 40 մետր հեռավորությամբ դպրոց․ ծնողները մտահոգ են

Սեպտեմբերի 2-ին Կիրանցի աշակերտները կգնան նոր սահմանից մոտ 40 մետր հեռավորությամբ դպրոց, գրում է լրագրող Ոսկան Սարգսյանը։

«Կիրանցի հիմնական դպրոցի տնօրեն Վոլոդյա Բաբինյանը հայտնեց, որ գյուղի դպրոցի շինարարության աշխատանքները մոտենում են ավարտին։ Շենքի ներքին հարդարման աշխատանքներն ավարտվել են։ Ընթանում են արտաքին հարդարման աշխատանքները։

Դպրոցի տնօրենը հույս հայտնեց, որ սեպտեմբերի 2-ին Կիրանց գյուղի աշակերտները կհաճախեն նոր ձևավորված սահմանից ճանապարհով և պատով բաժանվող, սահմանից մոտ 40 մետր հեռավորությամբ գտնվող դպրոց։

Վ․ Բաբինյանն ասաց՝ աշակերտների ծնողների մի մասը դպրոցի ավտանգության առումով մտահոգություններ ունի, հավելեց, որ դպրոցի նախկին շենքը վթարային է։

Նրան հարցրի Կիրանցի դպրոցին միջնակարգի կարգավիճակ տալու մասին։ Տնօրենն ասաց, որ դրա համար պետք է լինի ԿԳՄՍ նախարարի հրամանը։

100 տեղանոց նորակառույց դպրոց նոր ուսումնական տարում կհաճախի Կիրանց գյուղի 38 աշակերտ»։

Այս թեմայով Դպրոց գնալու համար՝ 2000 դրամ. նոր կարգը ո՞ւմ է վերաբերում Ինչո՞ւ էր վատացել Այգեստան գյուղի միջնակարգ դպրոցի աշակերտների ինքնազգացողությունը Փորձեմ կանխել մի բաժակ ջրում ծովամրրիկ փնտրելը. Ավետարանչական դպրոցը կրոնական նպատակ չունի. Զարե Սինանյան Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան