Բեգոյանը զայրացել է

Քաղաքացիների ահազանգերի հետքերով՝ «Իրավունք»-ը այցելեց Նոր Նորքի վարչական շրջանի 7-րդ զանգվածի բակերից մեկը, որտեղ քաղաքապետարանի որոշմամբ՝ կատարվում էր «բարեկարգման» աշխատանքներ: Մինչդեռ իրականում՝ բացի բարեկարգելուց, որոշել էին նաեւ հատել առողջ, փարթամ ծառերը, որոնք բնակիչները իրենք էին տնկել տասնյակ տարիներ առաջ: Այս քայլն աշխատանքներն իրականացնողները պատճառաբանել էին, թե՝ ծառահատման նպատակը խաղահրապարակ կառուցելն է:

Այն որ բարեկարգվում են բակերը՝ բնական է, այն, որ խաղահրապարակներ պետք է կառուցվեն` կրկին նորմալ, բայց ո՞վ է իրավունք ու թույլտվություն տվել ծառ կտրել եւ բակում տասնյակ տարներ առաջ կառուցված ցայտաղբյուրը գետնին հավասարեցնել՝ պարզ չէ։ Այս հարցի պատասխանը գտնելու համար՝ կապ հաստատեցինք ԱՐՄԵՆ ԲԵԳՈՅԱՆԻ` «Կանաչապատում եւ շրջակա միջավայրի պահպանություն» ՀՈԱԿ-ի տնօրենի հետ: Անմիջապես արձագանքելով՝ նա միջամտեց բնության  «ծառասպանդին»։ Խնդրին իր անմիջական արձագանքն է տվել նաեւ Նոր Նորք վարչական շրջանի ղեկավար Տիգրան Տեր-Մարգարյանը:

Այսպիսով՝ մինչ Բեգոյանը կփորձի պարզաբանում ստանալ նշված հասցեում «կանաչապատման»՝ նույն թե՝  ծառահատումների վերաբերյալ, նշենք, որ աշխատանքները ժամանակավորապես կասեցված են: Այնուհանդերձ «Իրավունք»-ը հետեւողական է լինելու այս հարցում եւ իր խոշորացույցի տակ է պահելու ցանկացած տարածքում կատարվող «բարեկարգում», որը կհանգեցնի բնության կոտորածի: Մեղավորները պետք է կրեն վարչական պատասխանատվություն:

ՆԱՆԱ ՍԱՐԳՍՅԱՆ

Այս թեմայով Տպավորությունն այնպիսին է, կարծես, բոլորը մնացել են 1995 թվականի քարոզարշավի մակարդակին. Արմեն Բադալյան Փաշինյանը ներսում տղա ա խաղում, դրսում փիսիկ ա. ԵՄ-ն կգնահատի նրա ջանքերը. Աշոտյան Ֆոն դեր Լայենին ամբողջ Եվրոպան է քննադատում, խիղճը չի զարթնում, ՀՀ-ում ո՞նց պիտի զարթնի . Աշոտյան Էս ակվարիրումի ձկների նման ԵՄ առաջնորդներին էլ են մեկուսացրել, իրար հետ ջանջիգյար են անում. Աշոտյան «Հարգելի' ոստիկան, ցույց տվեք կետ, որ չենք կարող մայթով քայլել», «Անվտանգության հարց կա»