Այո, Ռոնալդուն այլևս այն խաղացողը չէ, ինչ 10 տարի առաջ. Մարտինես

Պորտուգալիայի հավաքականի գլխավոր մարզիչ Ռոբերտո Մարտինեսը պատասխանել է 39-ամյա հարձակվող Կրիշտիանու Ռոնալդուի ազգային հավաքականում հեռանկարների մասին հարցին.

«Նրա համար ազգային հավաքականի դռները միշտ բաց են: Մեզ համար կարևոր է, որ Կրիշտիանուն խաղա իր ակումբում, որ նա ակտիվ լինի։ Մենք հետևում ենք նրան, ինչպես մյուս խաղացողներին։ Նա մեր ավագն է: Նրա ֆիզիկական հատկանիշները շատ լավն են, և նրա ներկայությունը կարևոր է թիմի համար:

Այո, նա այլեւս այն խաղացողը չէ, ինչ 10 տարի առաջ։ Բայց հիմա նա էլ ավելի մեծ փորձ ունի։ Տարիքի մասին խոսելն անիմաստ է, քանի որ կա Պեպեի օրինակ , ով անթերի խաղաց ԵՎՐՈ-ում։ Հավաքականի մակարդակով փորձը շատ կարևոր է երիտասարդ խաղացողներին օգնելու առումով:

Կրիշտիանուին մենք գնահատում ենք այնպես, ինչպես մյուս խաղացողներին: Շատ առումներով նա պորտուգալական ֆուտբոլի լավագույն հարձակվողն է»,- ասել է Պորտուգալիայի հավաքականի գլխավոր մարզիչը

Նշենք, որ սեպտեմբերի 5-ին Պորտուգալիայի հավաքականը Ազգերի լիգայի խաղարկությունում կխաղա Խորվաթիայի հետ։ Սեպտեմբերի 8-ին Մարտինեսի թիմը կհանդիպի Շոտլանդիայի հետ։

Այս թեմայով Ռոնալդուի մայրը և քույրերը ներկա չեն եղել ֆուտբոլիստի հարսանիքին Ռոնալդուն ցավակցել է Մեսսիին հոր մահվան կապակցությամբ Ռոնալդուն և Ռոդրիգեսն ամուսնացել են Տարվա հարսանիք. Նոր մանրամասներ Ռոնալդուի և Ռոդրիգեսի հարսանեկան արարողությունից Նուրմագոմեդովն ու Մակգրեգորը` Ռոնալդուի հարսանեկան արարողության հյուրեր