Չինաստանում վակուումային խողովակում հաջողությամբ արագընթաց գնացք է փորձարկվել

Փորձարկումները տեղի են ունեցել երկրի հյուսիսում գտնվող Շանսի նահանգի Դաթոնգ քաղաքում։ Գնացքը փորձարկելու համար կառուցվել է 2 կմ երկարությամբ խողովակ, որում ստեղծվել են ցածր վակուումային պայմաններ՝ մթնոլորտային ճնշումից զգալիորեն ցածր ճնշում։

Նշվում է, որ փորձարկումների ընթացքում գնացքը կարողացել է իրականացնել կառավարվող նավիգացիա, ցուցադրել արգելակման կայունությունը և կատարել անվտանգ կանգառ՝ տրված կոր հետագծին համապատասխան։

Ապագայում նման գնացքը կկարողանա զարգացնել մինչև 1000 կմ/ժ արագություն՝ ավելի արագ, քան քաղաքացիական ինքնաթիռները։ Հետագայում նախատեսվում է այսպիսի վակուումային խողովակներով միմյանց միացնել չինական մեգապոլիսները, ինչի արդյունքում Պեկինից Շանհայ հնարավոր կլինի հասնել մոտ 1,5 ժամում, մինչդեռ այժմ դա տևում է մոտ 4 ժամ։

Նախագիծը վերահսկում է Չինաստանի օդատիեզերական գիտության և արդյունաբերության կորպորացիան (China Aerospace Science and Industry Corporation, CASIC):

Այս թեմայով Ամերիկյան գերգաղտնի ռազմական բեռը սխալմամբ ուղարկվել է... Չինաստան Վարչապետի գլխավորությամբ քննարկվել է 2027 թ. պետբյուջեի նախագիծը Չինաստանի առևտրային հաշվեկշռի դրական մնացորդը հասել է 119 մլրդ դոլարի՝ արտահանման աճի ֆոնին Ո՞ւմ հավատալ՝ Պապոյանի թվերի «հրաշքին», թե՞ Փաշինյանի աղերսագին զանգերին Չինաստանի հազվագյուտ հողային մետաղները սպառնում են եվրոպական արդյունաբերությանը