Nissan-ը ստեղծել է ներկ, որը նվազեցնում է ավտոմեքենայի թափքի ջերմաստիճանը

Ճապոնական Nissan կորպորացիան ստեղծել է ներկի նախատիպ, որն օգնում է իջեցնել մեքենայի թափքի ջերմաստիճանը, տեղեկացնում է Jalopnik կայքը։

Ընկերության նյութերում նշվում է, որ ներկի նոր տեսակը կարող է զգալիորեն նվազեցնել ավտոմեքենայի թափքի տաքացման ջերմաստիճանը շոգ եղանակին։ Nissan-ը մտադիր է այն օգտագործել ավտոմեքենայի թափքի մասերի արտադրության մեջ։

Ըստ ճապոնական ընկերության մասնագետների՝ ներկը ստեղծելիս իրենք օգտագործել են սինթետիկ կոմպոզիտային նյութեր՝ այնպիսի կառուցվածքներով, որոնք ցուցադրում են բնության մեջ սովորաբար չհանդիպող հատկություններ: Ըստ կայքի՝ նոր նյութը, հավանաբար, ունակ է արդյունավետ կերպով անդրադարձնել ինֆրակարմիր ճառագայթները։

Փորձարկման ժամանակ պարզվել է, որ սովորական ներկով պատված ավտոմեքենայի թափքը տաքացել է մինչև 44 աստիճան, մինչդեռ նոր ներկով պատված ավտոմեքենայի դեպքում թափքի ջերմաստիճանը հասել է մինչև 33,2 աստիճան, այսինքն՝ 10.8 աստիճանով պակաս:

Այս թեմայով Արարատի մարզում բախվել է 3 մեքենա. կա 3 զոհ, 2 վիրավոր Վարորդական իրավունքից զրկվածները կրկին մեքենա կվարեն՝ առանց քննության․ Փաշինյան Այսօր բազմաթիվ քցված օրինապաշտ քաղաքացիների եմ ընդունել, ովքեր իրենց տարիների ձեռք բերածը մի ակնթարթում կորցրել են.Հայտնի իրավապաշտպանի ուշագրավ գրառումը ՔՊ պատգամավորը 3 գույք, 2 մոտոցիկլ եւ 1 մեքենա ունի. «Ժողովուրդ» Հովհաննավանքի գլխավոր մուտքը այս պահին փակ է. ոստիկանները բացատրություն չունեն