Արթուր Վարդանյանի կինը դիմում է Բագրատ սրբազանին

Համահայկական Ազգային Պետականություն կուսակցության նախագահ Արթուր Վալերիկի Վարդանյանին արդեն ամիս ու կես է կալանավորել են եւ նրան ուղղակի ասել են, որ իրեն կալանավորել են հենց Տավուշում գյուղերի հանձնման դեմ պայքարելու համար եւ մինչ առ այս Բագրատ Սրբազանի կողմից որեւէ դատապարտող հայտարարություն չի եղել՝ առ այն, որ քաղաղաքան ուժի ղեկավարին Արթուրին առեւանգել են ուղղակի փողոցում, ով միշտ առաջիններից է եղել թե՛ պատերազմում` մարտի դաշտում, եւ թե՛ ժողովրդի կողքին, ի դեպ, չգիտեմ մեկ այլ քաղաքական ուժի ղեկավարի, որն իր ջոկատով լինի դիրքերում, մինչդեռ այն մարդիկ, ովքեր մասնակցել են Աղավնոյի, Շուռնուխի, Բերձորի եւ հիմա էլ Կիրանցի ու այլ ՀՀ պետական եւ սուվերեն տարածքների հանձնմանն ու քայլում էին շարժման առաջին շարքերում, նրանց մասին շատ անհանգիստ հայտարարություններ էին անում բեմերից, ավելին նրանց խոսքի իրավունք էին տալիս (ի դեպ, նույն այդ մարդիկ առաջին իսկ հնարավորության դեպքում դավաճանեցին շարժմանը եւ ժողովրդին), իսկ Արթուրը մինչ առ այսօր, իր առողջական խնդիրներով հանդերձ, կալանավորված լինելով հանդերձ շարունակում է աննահանջ պայքարել: Սա է իրականությունը:

 

Արթուրին կալանավորելուց հետո՝ պարզ էր, թե ովքեր կանգնեցին ու կանգնած են Արթուրի կողքին եւ վստահորեն պիտի ասեմ, որ Արթուրի կողքին կանգնեցին նրանք, ովքեր Հայրենիքի փրկության պայքարի հայորդիներ են՝ անկախ այդ պայքարի կամ շարժման որդեգրած անվանումներից։ Եվ վերջում կմեջբերեմ Արթուրի խոսքերը. «Ես բանտում եմ, այլ ոչ թե գերեզմանում»: Պայքարը շարունակվում է...», - գրել է Համահայկական Ազգային Պետականություն կուսակցության նախագահ Արթուր Վարդանյանի կինը՝ ԱՇԽԵՆ ՍՈՒՄԲՈՒԼԱՆԸ: