Թլիկի գյուղապետին, որդուն ու մորը ծեծի ենթարկելու մեջ կասկածվողներին հայտնաբերեցին Գառնու ձորում

Այսօր՝ օգոստոսի 16-ին, ՀՀ Ներքին գործերի նախարարության ոստիկանության քրեական ոստիկանության գլխավոր վարչության ծառայողները պարզել են հնարավոր այն վայրը, որտեղ գուցե թաքնվում են երեկ՝ օգոստոսի 15-ին, Թլիկի վարչական ղեկավարին, նրա որդուն և մորը ծեծի ենթարկած, ապա կրակոցներ արձակած և դեպքի վայրից «ՎԱԶ 2121» մակնիշի ավտոմեքենայով փախուստի դիմած կասկածյալները։

Ինչպես հայտնում է ֆոտոլրագրող Գագիկ Շամշյանը, ոստիկանական մի քանի օպերատիվ խմբեր մեկնում են Կոտայքի մարզի Գառնու ձորեր, որտեղ էլ հայտնաբերում են նրանց ու կարողանում են պրոֆեսիոնալ ձևով ոչ միայն վնասազերծեն, այլև հայտնաբերում են «Նիվա»-ն և հանցագործության գործիք ատրճանակը։ 

Բոլորը բերման են ենթարկվում ոստիկանության Թալինի բաժին, որտեղից էլ նրանց, հայտնաբերված ատրճանակը ներկայացնում են Թալինի քննչական բաժին։ Ավտոմեքենան տեղափոխվում է ոստիկանության Թալինի բաժնի պահպանվող հատուկ տարածք։

Գ․ Շամշյանը հայտնում է, որ ոստիկանները Գառնու ձորում մոտ 2 կմ հատված ոտքով որոնողական աշխատանքներ են կատարել, մինչև որ կարողացել են հայտնաբերել կասկածյալներին։ 

Նախաքննության շահերից ելնելով՝ այս պահին նրանց անունները չենք հայտնում։ 

Ինչպես ավելի վաղ դեպքի վայրից հայտնել էր ֆոտոլրագրող Գագիկ Շամշյանը, օգոստոսի 15-ին կրակոցներ էին հնչել Արագածոտնի մարզում։ Ժամը 19։00-ի սահմաններում ՀՀ Ներքին գործերի նախարարության ոստիկանության Արագածոտնի մարզային վարչությունում, ոստիկանության Թալինի բաժնում, Ազգային անվտանգության ծառայության Թալինի բաժնում օպերատիվ տեղեկություններ էին ստացվել, որ Թլիկ գյուղում կրակոցներ են հնչել և կան վիրավորներ։

Ոստիկաններն ու պարեկները նշված գյուղի տներից մեկի բակում հայտնաբերել էին կրակված պարկուճներ, արնանման հետքեր, քարեր որոնց վրա նույնպես առկա էր արյուն։

Ոստիկաններն ու պարեկները տեղում պարզել էին, որ նշված վայրից «Թալին» բժշկական կենտրոն էին տեղափոխվել Արագածոտնի մարզի բնակիչներ Սլավիկ Սալոյանը, Մանվել Սալոյանը և 1 հոգի մեծահասակ կին։

Դեպքի մասին ոստիկանության Թալինի բաժնից տեղեկությունը փոխանցել էին ՀՀ Քննչական կոմիտեի Արագածոտնի մարզային քննչական վարչության Թալինի քննչական բաժին, որտեղից ժամանել էր քննչական խումբը՝ բաժնի պետ Արտակ Պետրոսյանի և հատկապես կարևոր գործերով ավագ քննիչ Աշոտ Մարտիրոսյանի գլխավորությամբ։

Ժամանել էին նաև փորձաքրեագետները։

Դեպքի փաստով Թալինի քննչական բաժնում նախաձեռնվել էր քրեական վարույթ։ 

Ֆոտոլրագրողը հայտնել էր, որ վիրավորներից Սլավիկ Սալոյանը Թլիկի վարչական ղեկավարն է, ժողովրդի լեզվով ասած՝ գյուղապետը, Մանվել Սալոյանը նրա որդին է, իսկ վիրավոր մեծահասակ կինը գյուղապետի մայրն է, ով քաշքշոցի ընթացքում է վայր ընկել և ստացել վնասվածք։

Գ․ Շամշյանի տեղեկություններով ծեծկռտուքի մասնակիցները վարչական ղեկավարի ազգականներն էին և ոստիկաններն ու քննիչները, ինչպես նաև ազգային անվտանգության ծառայության Արագածոտնի մարզի և Թալինի բաժնի աշխատակիցները դեպքի մանրամասները ամբողջությամբ ճշտել էին օպերատիվ տվյալներով և գիտեին նաև կրակոցներ արձակողի ինքնությունը և որ նրանք դեպքի վայր էին ժամանել սև գույնի «Նիվա» մակնիշի ավտոմեքենայով։ Նրանք ոստիկանության կողմից որոնվում էին։

Նախաքննության շահերից ելնելով որոշ հանգամանքներ այս պահին չենք հրապարակում։

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Մանկատան երեխային ծեծի ենթարկած դայակի նկատմամբ խափանման միջոց է ընտրվել տնային կալանքը ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն Կիևը ծխի մեջ է. բնակիչներին խորհուրդ է տրվում մնալ տանը (Տեսանյութ) Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ