Փաշինյանին դիմավորած ԱԱԾ զորքերի զինծառայողը մահացել է, ծնողները մեղադրում են սպաներին ու բժիշկներին

Oգոստոսի 9-ին ԱԱԾ սահմանապահ զորքերի ժամկետային զինծառայող է մահացել, ինչի մասին լռում է գերատեսչությունը։ Այս մասին 24News-ին ահազանգել են մահացած զինծառայող Արամայիս Գինոսյանի ծնողները։

Զինծառայողի հայրը՝ Մարզպետ Գինոսյանը պնդում է՝ Երևանի կայազորային զինվորական հոսպիտալի բուժաշխատողների և ԱԱԾ սահմանապահ N զորամասի սպայակազմի մեղավորությամբ ու թողտվությամբ է տեղի ունեցել դեպքը։ Զինվորի հայրը նշում է, որ մինչև 2024 թվականի հունվարը իր տղան որևէ առողջական խնդիր չի ունեցել, ավելին՝ դիմավորել է վարչապետ Նիկոլ Փաշինյանին Սյունիքի մարզի Ներքին Խնձորեսկ սահմանային համայնք կատարած այցի ժամանակ։ 

«Հունվար ամսին իրեն լավ չի զգացել՝ հիվանդացել է, տաքություն է ունեցել, տարել են բուժկետ ասել են՝ անգինա ես։ Ուժեղ անտիբիոտիկներ են ներարկել, որը չէր կարելի ու էլի տարել են հենակետային ծառայության՝ 6-8 ժամ»։

Պարբերաբար զինծառայողի մոտ կրկնվել է ինքնազգացողության վատթարացումը, ինչը ծնողներին անհանգստանալու տեղիք է տվել․

«Տղայիս ասում էի՝ չես զգում, որ սկսել ես շուտ-շուտ հիվանդանալ, ասում էին, որ մրսածություն ա էլի, կոկորդդ կարմիր ա՝ պարացետամոլ խմի, 2 հատ «одеяло» գցի վրադ կդզվես, հո դուք նուրբ չեք, ոչ մի բան էլ չկա։ Էդ ձև մնացել է դիրքերում, չեն իջեցերել։ Հետո եկել է զորամասի պարեկը, տեսել է, որ էս վիճակում է, ասել է՝ չեք տեսնում, էս զինվորը վատ ա, իջացրեք ներքև», - պատմել է մահացած զինծառայողի հայրը։ 

Ըստ ծնողի՝ Երևանի կայազորային զինվորական հոսպիտալում 18 օր անարդյունք բուժում են իրականացրել․ «Երեխես ամեն օր վատանում էր, մտել եմ բժշկի մոտ, ասում էր՝ դեղերի դինամիկայի ֆոնին ա՝ նորմալ ա։ Օգոստոսի 6-ին ավելի է վատանում, տեղափոխում են Կենտրոնական կլինիկական զինվորական հոսպիտալ, մինչ էդ անընդհատ արյան ու մեզի անալիզ են անում ու ոչ մի բան չեն հայտնաբերում»։

Մանրամասները` սկզբնաղբյուր կայքում

Այս թեմայով Նախարար Ավանեսյանը զինվոր որդու հետ լուսանկար է հրապարակել Ողբերգություն է, երբ պատեհապաշտները ՍՊԱՐԱՊԵՏԻ անվան հաշվին փորձում են մաքրել մինչեւ արմունկները կեղտի մեջ շաղախված իրենց ձեռքերը «Վագներ»-ականը պատմել է, թե ինչպես է քաղաքացիական կամավորից երեք վայրկյանում դարձել զինվոր (Տեսանյութ) Անհետ կորածների հարազատներն այսօր հանդիպել են Փաշինյանի հետ Ընտանիքի կրտսեր զավակն էր