Երկրում առաջին արբանյակը՝ պատրաստված փայտից. այն տիեզերք կուղարկվի շուտով

Ճապոնիայի Կիոտոյի համալսարանի գիտնականները անտառների վերամշակմամբ զբաղվող Sumitomo Forestry կորպորացիայի հետ միասին ստեղծել են աշխարհում առաջին արբանյակը, որը պատրաստված է փայտից: Այն կոչվում է LignoSat, և նախատեսվում է SpaceX հրթիռով տիեզերք արձակել այս տարի:

Արբանյակի մշակումը տևել է չորս տարի, աշխատանքներն սկսվել են 2020-ի ապրիլին։

Ինչպես տեղեկացնում է Japantimes.co.jp-ը՝ արբանյակի չափերը կազմում են մոտ 100 x 100 x 100 մմ, իսկ պատի հաստությունը՝ 4-5,5 մմ: Սարքը պատրաստված է մագնոլիայի փայտից, որն ընտրվել է իր ամրության և արտադրական որակի համար: Գիտնականները նաև փորձարկել են բալի և կեչի, բայց, ի վերջո, ընտրել են մագնոլիան: Փայտը ստացվել է Sumitomo Forestry-ից:

Արբանյակը հավաքվել է փայտամշակման ճապոնական ավանդական տեխնոլոգիայի կիրառման միջոցով՝ առանց ամրացումների կամ սոսնձի օգտագործման։ Կոնստրուկցիան, իհարկե միայն փայտից չէ, կան նաև մի քանի ալյումինե մասեր, ինչպես նաև արևային մարտկոցներ։ Արբանյակի ընդհանուր քաշը ընդամենը 1 կգ է։

LignoSat նախագիծը նպատակ ունի պայքարել տիեզերական աղբի դեմ և խթանել տիեզերքում ավելի կանաչ գործունեությունը: Ներկայիս միջազգային կանոնակարգերը պահանջում են, որ առաքելության ավարտից հետո արբանյակները վերադարձվեն մթնոլորտ և չդառնան տիեզերական աղբ:

Այս թեմայով ՆԱՍԱ-ն տիեզերք է ուղարկել 4 միլիարդ դոլար արժողությամբ Roman աստղադիտակը Օգոստոսի 12-ին Երկիրը կդառնա հազվագյուտ երկնային երևույթի վկա Այս համախտանիշով տառապող մարդը չի ունենում մեղավորության զգացում.Հոգեբույժը բացահայտում է, թե որ պաթոլոգիայի մասին է խոսքը Պուգաչովան, որ հազիվ է քայլում, պատրաստ է թռչել Կիև՝ համերգ տալու (Տեսանյութ) «Միսս Տիեզերք 2025»-ի ժամանակ թույլ չեն տվել ծածանել Թուրքիայի դրոշը