Թմրանյութ են տարածում անգամ Եռաբլուրում տղաների շիրիմների միջոցով. Բագրատ սրբազան

Զոհված զինծառայողի ծնողը Եռաբլուրում հայտնաբերել է նահատակված հերոսների շիրիմների միջոցով թմրանյութի փոխանցման դեպք: Արարատի մարզի Նիզամի գյուղում բնակիչների հետ հանդիպմանն ասել է Բագրատ Սրբազանը:

Ծնողը շիրիմին տեսախցիկ ունի տեղադրած, որի միջոցով էլ բացահայտել է սարսափելի իրողությունը, երբ թմրանյութ տեղադրելն ու վերցնելը իրականացվել է խունկ լցնելու պատրվակով: Սրբազանն արձանագրեց, որ անգամ պաշտոնական վիճակագրությունն է փաստում թմրամիջոցների շրջանառության աճի մասին:

Բագրատ Սրբազանն անդրադարձավ նաեւ Բաքվի պահանջների մասին, որոնց Փաշինյանն այդքան ընդառաջ է գնում: Մասնավորապես` ուշադրություն է հրավիրել այն փաստին, որ Ադրբեջանը խոսում է ադրբեջանցիների` Հայաստան վերադառնալու ենթադրյալ իրավունքի մասին ու պատասխան չի ստանում ՀՀ իշխանություններից:

«Ադրբեջանցիներն այստե՞ղ են ապրելու, այս գյուղերո՞ւմ և ո՞վ է նրանց իրավունքները պաշտպանելու, երրորդ ուժ, որն այդ դեպքում Թուրքիան է», - Նիզամի գյուղում ասել է Բագրատ սրբազանը: Ավելին, նա նշել է, որ իրեն հասած տեղեկություններով` ֆեյքերին կերակրելու համար ՀՀ իշխանությունները 50 մլն գումար են ծախսել, որպեսզի պախարակեն շարժումը, դրա մասնակիցներին:

Նրա արձանագրմամբ` բազմաթիվ օրինակներ վկայում են, որ իշխանությունների ձեռքին կան մեծ գումարներ ու հարց տվեց, թե որտեղից են այդ գումարները: Օրինակ` Տավուշի մարզի Կիրանց գյուղի բնակիչներին գույքի դիմաց առաջարկվում են մեծ փոխհատուցումներ, անգամ 50.000 ԱՄՆ դոլարին համարժեք դրամ` մի ժանգոտ տնակի դիմաց: «Որտեղից և ինչ աղբյուրից են նման գումարները», - հրապարակային հարցադրում հնչեցրեց Սրբազանը:

Նա այսօր հանդիպում կունենա նաեւ Մասիս քաղաքում:

Այս թեմայով Աջափնյակում շրջող օտարերկրացու մոտ 51 փաթեթ կոկաին է հայտնաբերվել Պահանջում ենք դադարեցնել Սրբազանի անձի, առողջության և փաստաթղթերի շահարկումը Վեհափառ Հայրապետը բարձրաստիճան հոգևորականների հետ այցելել է Եռաբլուր Ապրում ենք մի ժամանակի մեջ, երբ շատ արժեքներ սակարկության առարկա են․ Ռուբեն Սրբազան Իր գահակալության ամբողջ շրջանին Հայոց Հայրապետը միայն միտված է եղել և իրագործել է ՀԱՍԵ կյանքի պայծառությունը․ Բագրատ Սրբազան