Քչերը գիտեն, թե հորանջելն ինչու՞ է այդքան վարակիչ

Շատերը նկատած կլինեն, որ հորանջող մեկին տեսնելիս իրենց մոտ էլ հորանջելու ցանկություն է առաջանում: Իրականում մենք դա անում են անգիտակցաբար, քանի որ մեր ուղեղը պարզապես չի կարող դիմակայել այդ վարակիչ ցանկությանը:

Ինչպես գրում է AdMe.ru-ն` գիտնականները տարիներ շարունակ ուսումնասիրում են և գիտական բացատրություններ են ներկայացնում, թե ինչու է հորանջելն այդքան «վարակիչ»:

Ուսումնասիրությունները ցույց են տալիս, որ հորանջող դեմք տեսնելը լուսանկարներում կամ տեսանյութերում հորանջելու ցանկություն կարող է առաջացնել: Եթե անգամ հորանջելու մասին կարդալիս մարդ հորանջելու ցանկություն է ունենում, նշանակում է նա մտքում պատկերացնում է այդ տեսարանը:

Գիտնականները հորանջելու վարակիչ հատկությունը կապում են կարեկցանքի հետ, այսինքն` ուրիշների էմոցիաները և զգացմունքները կիսելու ունակության հետ: Հորանջող մարդու կամ կենդանու տեսնելիս անմիջապես ակտիվանում է ուղեղի այն հատվածը, որը պատասխանատու է կարեկցանքի համար:

Հորանջելու վարակիչ հատկությունը ակտիվանում է արդեն 4 տարեկանից: Իսկ հենց հորանջելու պահանջը բացատրվում է հոգնածությամբ, ձանձրույթով և թթվածնի պակասով:

Փորձեք հաշվել, թե քանի անգամ եք հորանջել այս հոդվածը կարդալիս:

Այս թեմայով Աղբավայրի տարածքում կան կենդանիներ՝ շներ, թռչուններ, առնետներ, որոնց միջոցով կարող են տարածվել վարակիչ հիվանդություններ. Ահազանգում են բնապահպանները Պեկինում հայտնաբերված նոր կորոնավիրուսը ավելի վարակիչ է, քան Ուհանինը «Հրապարակ». Միքայել Մինասյանի խոհանոցային տեսաուղերձները վարակիչ են դարձել Սահմանային անցման կետերում գրանցվել է վարակիչ հիվանդության կասկածով մի քանի անձանց մուտք երկիր Վանեցյանի օրինակը դառնում է վարակիչ