Հայկական փառավոր մարմնամարզությունը վերածնունդ է ապրում. ՀՄՖ նախագահը` Հակոբ Սերոբյանին

Հայաստանի մարմնամարզության ֆեդերացիայի նախագահ Գագիկ Վանոյանը սոցցանցերում գրառում է կատարել: Նրա խոսքով՝ մարմնամարզությունը Հայաստանում վերածնունդ է ապրում հավաքականի գլխավոր մարզիչ Հակոբ Սերոբյանի շնորհիվ:

«Հակոբ Սերոբյան. մարդ, ում շնորհիվ մի ծաղկով գարուն եկավ մեր մարզաձևում, ում շնորհիվ մարմնամարզությունը վերածնունդ ապրեց մեր երկրում։ Սիրելի՛ մարզիչ, սիրելի՛ ընկեր Հակոբ, դուք արեցիք սա լուռ՝ բազմաթիվ դժվարություններ հաղթահարելով, գնացիք ձեր  նպատակի հետևից, երբեք որևէ մեկին ցույց չտվեցիք, թե շատ հաճախ որքան դժվար է եղել ձեր համար, քանի որ երկար տարիներ բազմաթիվ խնդիրներ, որոնց ընդհարվել եք, կարողացել եք հարթել անաղմուկ և նպատակները, որ դրել եք ձեր առաջ , երևի ձեզանից բացի որևէ մեկը չի հավատացել դրանց իրականացմանը։ Անհնար էր հավատալ, որ մեր մարզաձևի համար կգան այնպիսի օրեր, երբ նվաճված Օլիմպիական արծաթե մեդալը մի պահ կտխրեցնի մեզ, մի պահ մենք բոլորս՝ աշխարհի ողջ հայությունը, մի ակնթարթ տխրության և հիասթափության զգացում կունենանք և դա վկայությունն է նրա, որ երբեմնի հայկական փառավոր մարմնամարզությունը վերածնունդ է ապրում. վերածնունդ է ապրում ձեր շնորհիվ և այո՛, կարևոր մեկ մարդը դուք եք եղել, որ հավատացել եք այս ամենի իրագործմանը։

Ընկեր Հակոբ, ես գիտեմ ՝ որքան հավատքով եք դուք ապրում առ Աստված և ԴՈՒՔ ունեիք հզոր առաքելություն՝ շենացնել մեր մարզաձևը և հետ բերել հայկական մարմնամարզության երբեմնի փառքը և ԴՈՒՔ դա արեցիք ու վստահ եմ՝ ձեր առաջնորդությամբ դեռ փառավոր հաղթանակներ ենք տոնելու:

Հ Ա Կ Ո Բ Ս Ե Ր Ո Բ Յ Ա Ն, հարգանք և խոնարհում ձեզ»,- գրել է Գագիկ Վանոյանը:

Այս թեմայով Արթուր Ավետիսյանը` սպորտային մարմնամարզության Եվրոպայի չեմպիոն Աշխարհի գավաթ․ Համլետ Մանուկյանը նվաճեց հաղթողի կոչումը(տեսանյութ) Աշխարհի գավաթ-2026. Հայ մարմնամարզիկները եզրափակիչում են Աշխարհի գավաթ. Համլետ Մանուկյանը` ոսկե մեդալակիր Աշխարհի գավաթ. Հայաստանի չորս ներկայացուցիչ եզրափակիչում է