Ահա, թե ո՞ր հիվանդությունները կլինեն ձայնի կորստի պատճառ

Ձայնի կորուստն ու խռպոտությունը կարող են պայմանավորված լինել վահանագեղձի հիվանդություններով, գաստրոէզոֆագեալ ռեֆլյուքսով և մի շարք այլ հիվանդություններով։ Այս մասին Lenta.ru-ի հետ զրույցում պատմել է քիթկոկորդականջաբան Անտոն Ռիզաևը։

Մասնագետի խոսքով՝ առավել հաճախ ձայնի կորստի պատճառ է դառնում լարինգիտը՝ կոկորդի բորբոքումը վարակի, ծխելու կամ ձայնալարերի գերծանրաբեռնման հետևանքով։ Սա մասնագիտական հիվանդություն է հաղորդավարների, ուսուցիչների, երգիչների և բոլոր այն անձանց համար, ում աշխատանքը կապված է ձայնի գործածության հետ։

Նման խնդրի կարող է հանգեցնել նաև գաստրոէզոֆագեալ ռեֆլյուքսը, որի դեպքում ստամոքսի թթվային պարունակությունը հայտնվում է կերակրափողում։ Սա կարող է առաջացնել լորձաթաղանթի այրվածք ու բորբոքում, ինչն էլ կհանգեցնի ձայնի կորստի։ Բացի այդ, ձայնի կորստի պատճառ կարող է դառնալ նաև կոկորդի քաղցկեղը։

Մասնագետը նաև նախազգուշացրել է, որ ձայնի կորուստը կամ խռպոտացումը կարող է կապված լինել նաև բրոնխիտի, ասթմայի կամ վահանագեղձի տարատեսակ հիվանդությունների հետ, ուստի նման ախտանշանի ի հայտ գալու դեպքում հարկավոր է հնարավորինս շուտ դիմել բժշկին պատճառը պարզելու ու բուժումն սկսելու համար։

Այս թեմայով Ադրբեջանական բենզինի թաքնված ականները. Մեկնաբանում են տնտեսագետները ՌԴ-ի հետ առեւտրում պետք է զգույշ լինել բրենդների փոփոխության հարցում. Տնտեսագիտության դոկտոր-պրոֆեսորը տնտեսական ռիսկերի մասին Չկա ազատազրկված անձ, ով ունի առողջական խնդիր եւ մեր տեսադաշտից դուրս է.Դատապարտյալի ահազանգի հետքերով Հայաստանյայց Առաքելական Սուրբ Եկեղեցուն աջակցությունը ողջ հայության ազգային ինքնության պահպանության և տևականության խնդիր է.Վարդան Ոսկանյան Այս եզրույթը ներառվելու է ԴՕԿ դաշինքի նախընտրական ծրագրում. Հայտնի փաստաբանը ուշագրավ հայտարարությամբ է հանդես եկել