Հնդկաստանը սկսել է օրական 48 մլն չիպ հզորությամբ կիսահաղորդիչների գործարանի կառուցումը

Հնդկական Tata ընկերությունն արևելյան Ասսամ նահանգում սկսել է կիսահաղորդիչնորի խոշոր գործարանի շինարարությունը։ Այս մասին ասվում է Հնդկաստանի Էլեկտրոնիկայի և տեղեկատվական տեխնոլոգիաների նախարարության՝ կառավարության կայքում տեղադրած հաղորդման մեջ։

Նախագծում կներդրվի 270 միլիարդ ռուփի (3,2 միլիարդ դոլար): «Այս գործարանի ենթադրյալ հզորությունը օրական 48,3 միլիոն չիպ է կազմում»,- ասվում է տեքստում։

Գերատեսչության ղեկավար Աշվինի Վայշնավը նշել է, որ «ձեռնարկությունը կդառնա կիսահաղորդիչների հավաքման հնդկական առաջադեմ տեխնոլոգիաների զարգացման վայր, ներառյալ Wire Bond, Flip Chip և I-SIP տեխնոլոգիաները։ «Այդ տեխնոլոգիաները չափազանց կարևոր են այնպիսի առանցքային ոլորտների համար, ինչպիսիք են ավտոմոբիլային արդյունաբերությունը (հատկապես էլեկտրական մեքենաների), կապը, ցանցային ենթակառուցվածքները և այլն»,- ընդգծել է նախարարությունը։

Կառավարությունը հույս ունի հանրապետությունում ստեղծել կիսահաղորդիչների արտադրության սեփական արդյունաբերությունը։ Այդ նպատակով իշխանությունները ակտիվորեն ներգրավում են օտարերկրյա ընկերություններին՝ ստեղծելով բարենպաստ պայմաններ, այդ թվում՝ ֆինանսական խթանման միջոցով։ Այսպես, 2023 թվականի հունիսին Գուջարաթ նահանգը պայմանագիր է ստորագրել Micron Technology-ի հետ՝ տարածաշրջանում գործարան ստեղծելու համար, որի ընդհանուր ներդրումները կարող են կազմել գրեթե 3 միլիարդ դոլար: Ակնկալվում է, որ այն կսկսի արտադրությունը 2024 թվականի դեկտեմբերին: Անցյալ տարեվերջին թայվանական Foxconn ընկերությունը հայտ է ներկայացրել Հնդկաստանում չիպերի արտադրություն  կազմակերպելու համար

Այս թեմայով ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Հայաստանը վերջին հորիզոնականում է տարածաշրջանում՝ զիջելով Վրաստանին, Ադրբեջանին ու Թուրքիային. Կրթության փորձագետը ահազանգում է ՀՐԱՏԱՊ. Մարդու իրավունքը ժամկետանց փաստաթուղթ չէ, երբ մարդը դադարում է հավատալ արդարադատությանը, վտանգվում է ոչ միայն նրա իրավունքը՝ այլ իրավական պետության հիմքը Փաշինյան․ Հայկ Սարգսյանի հայտարարությունների մասով քրեական գործ է հարուցվել