Կոռուպցիոն սկանդալ՝ Արտաշատում, 11 հոգի ձերբակալվել է. MediaHub

MediaHub-ը երեկ գրել էր, որ Արտաշատի համայնքապետարանում Հակակոռուպցիոն կոմիտեն ստուգումներ է իրականացնում։ Գրել էինք նաև, որ խոսքը վերաբերում է ասֆալտապատման տենդերների հետ կապված կոռուպցիոն գործարքներին։ 

Մեր տեղեկություններով՝ երեկ այդ գործով 11 հոգի ձերբակալվել է, հիմնականում դրսի մարդիկ։ Ձերբակալվածների մեջ է նաև համայնքապետի օգնականը։

«Լայնածավալ քննչական գործողություններ են տեղի ունենում, 11-12 բանանի արկղ փաստաթուղթ է առգրավվել։ Միլիոնավոր դոլարների մասին է խոսքը, բավականին ակտիվ գործողություններ են իրականացվում։ Էնքան մեծ գործ է, որ Փաշինյանն անձամբ է հետևում ընթացքին»,- ներկայացրեց մեր աղբյուրը։

Նշենք, որ Արտաշատում ասֆալտապատման աշխատանքների տենդերը շահել է «Հուսալի շինարար» ընկերությունը, որի տնօրենը Վալերիկ Առաքելյանն է։ Նրա մասին բաց աղբյուրներում գրեթե տեղեկություն չկա։ 

MediaHub-ը հաջորդիվ կներկայացնի, թե ինչ կոռուպցիոն սխեմաների մասին է խոսքը։

Այս թեմայով Խնդրում ենք վարչապետին քայլեր ձեռնարկել քաղաքային բյուջեն հոր «դուքյանի» վերածած համայնքապետից մեզ ազատելու համար. Ահազանգում են վայքեցիները Սկանդալ ԱՄՆ գաղտնի ծառայությունում Ուկրաինայում հերթական կոռուպցիոն սկանդալը մեծացնում է ճնշումը Զելենսկու վրա. Financial Times Երկու անգամ կրակել է նրա ուղղությամբ և դիմել փախուստի. Բացառիկ մանրամասներ Արգամի կողմից ենթադրյալ սպանության պատվերի գործով Նոր մանրամասներ Արգամ Աբրահամյանի կողմից ենթադրյալ սպանություն պատվիրելու գործով