Արտաշատի համայնքապետը ձերբակալվե՞լ է. MediaHub

Ինչպես արդեն հայտնել ենք՝ Հակակոռուպցիոն կոմիտեն ստուգումներ է իրականացնում Արտաշատի համայնքապետարանում։ MediaHub-ի տեղեկություններով՝ ասֆալտապատման աշխատանքների և տենդերների հետ կապված խնդիր է առաջացել, ինչի հետևանքով արդեն իսկ կան մի քանի ձերբակալվածներ։

Համայնքապետարանի պաշտոնական էջում փորձեցինք գտնել այն ընկերության անունը, որը զբաղվում է ասֆալտապատման աշխատանքներով, սակայն առկա փաստաթղթերում այդպես էլ կատարողի մասին որևէ տեղեկություն չկար։

MediaHub-ը կապ հաստատեց Արարատի մարզպետ Ռազմիկ Թևոնյանի հետ՝ հասկանալու, թե ինչ է կատարվում մարզկենտրոնում և ընդհանրապես, ինչ տեղեկություն ունի ինքը։

«Ես էլ ձեր պես առավոտյան եմ իմացել, թե ինչ է կատարվում, սակայն որևէ այլ տեղեկություն չունեմ»,- ասաց Թևոնյանը՝ նշելով, որ հարցն իրավապահների դաշտում է, և պետք է սպասել՝ հասկանալու, թե ինչ է լինում։

Հարցին, թե արդյոք Արտաշատի համայնքապետն էլ է ձերբակալված, Արարատի մարզպետը պատասխանեց՝ ոչ, նրան չեն ձերբակալել։

Այս թեմայով Ձեզանից, պարոն քաղաքապետ, և մեր հանրությունից հայցում եմ ներողություն. Տիգրան Տեր-Մարգարյան ՀՐԱՏԱՊ. Գյումրիում կրքերը թեժացան. «Ես Նոստրադամուսը չեմ». Վարդան Ղուկասյանն՝ իր քաղաքապետ ընտրվելու հնարավորության մասին Մինչև քաղաքապետ դառնալը հնարավոր է՝ ձերբակալեն Վարդան Ղուկասյանին. Արսեն Բաբայան Վարդան Ղուկասյանը պատրաստվում է կադրային կոտորածի Վարդան Ղուկասյանին կտանք անհրաժեշտ քանակությամբ քվե՝ առանց որևէ պաշտոնի, ակնկալիքի և որևէ պայմանավորվածության. Մարտուն Գրիգորյան