Փարիզ-2024. Իսպանացիները փլեյ-օֆֆում են, Արգենտինան հաղթեց Իրաքին (տեսանյութ)

Ֆուտբոլի Իսպանիայի հավաքականը ապահովեց տեղը Փարիզի 33-րդ ամառային Օլիմպիական խաղերի փլեյ-օֆֆում:

C խմբի երկրորդ տուրում իսպանացիները 3-1 հաշվով հաղթեցին Դոմինիկյան Հանրապետության հավաքականին: Իսպանիայի հավաքականից մեկական գոլ խփեցին կատալոնական «Բարսելոնայի» վինգեր Ֆերմին Լոպեսը, «Վիլյառեալի» կիսապաշտպան Ալեխանդրո Բաենան և «Ժիրոնայի» պաշտպան Միգել Գուտյերեսը:

Իսպանացիները երկու խաղից հետո 6 միավոր ունեն և անկախ երրորդ տուրի հանդիպման արդյունքից հանդես կգան քառորդ եզրափակիչում:

B խմբի երկրորդ տուրում էլ Արգենտինայի հավաքականն առաջին հաղթանակ տարավ: Առաջին տուրում Մարոկկոյին պարտվելուց հետո լատինամերիկացիները երկրորդ խաղում 3-1 հաշվով հաղթեցին Իրաքի հավաքականին:

Այս խմբում Արգենտինան, Մարոկկոն և Իրաքն ունեն երեքական միավոր: Մարոկկացիները երկրորդ տուրի խաղը դեռ չեն անցկացրել, կմրցեն Ուկրաինայի հավաքականի դեմ:

C խումբ

Դոմինիկյան Հանրապետություն - Իսպանիա՝ 1-3 (տեսանյութ)

B խումբ

Արգենտինա - Իրաք՝ 3-1 (տեսանյութ)

Այս թեմայով Ծայրահեղ հասանելի են դարձել օնլայն շահումով խաղերը, սա նոր մարտահրավերներ է բացել մեր առաջ 70 տարեկանը լրացած մարդկանց կարգելվի շահումով խաղեր խաղալ. Հայկ Սարգսյան Ձմեռային Օլիմպիական խաղեր․ Հայաստանի ներկայացուցիչների ելույթների ժամանակացույցը Ձմեռային օլիմպիական խաղեր․ Հայաստանն այսօր ունի մեկ ներկայացուցիչ Բաշար ալ-Ասադն իր իշխանության վերջին օրերն անցկացրել է բջջային խաղեր խաղալով