Հովիկ Աղազարյանը պատրաստ է Նիկոլ Փաշինյանի փոխարեն Բաքու մեկնել

Չեմ կարծում եմ, որ վարչապետի մակարդակով արժե գնալ Բաքու՝ COP 29-ին մասնակցելու, բայց մասնակցել, կարծում եմ, արժե։ Այս մասին «Փաստինֆո»-ի հետ զրույցում ասել է ՔՊ-ական պատգամավոր Հովիկ Աղազարյանը։

«Կարծում եմ՝ ԱԳՆ-ից որևէ փոխնախարար կամ ԱԺ որևէ պատգամավոր կարող է մասնակցել այդ գագաթնաժողովին, այդ մակարդակով է պետք է մասնակցել, վարչապետն ինչ գործ ունի»։

Հարցին, թե ինքը՝ որպես պատգամավոր կգնա՞, նա պատասխանեց, որ եթե նման հանձարարական լինի՝ կգնա։

Ինչ վերաբերում անվտանգային հարցերին՝ նա ասաց. «Կյանքը ռիսկ է, եթե նման բաներից անհանգստանամ՝ չպետք է ապրեմ։ Չունեմ նման մտահոգություններ, չէ»։

Անդրադառնալով կանխատեսումներին, թե COP 29-ից հետո Ադրբեջանը կարող է պատերազմական գործողություններ սկսել՝ նա նշեց, որ պատմության հայտնի են դեպքեր, երբ երկրների ղեկավարները միասին թեյ են խմել ու դրանից հետո իրար դեմ պատերազմ են սկսել։ «Իհարկե, նման այցերը չեն խթանի պատերազմական գործողություններ սկսելուն, բայց վստահաբար չի կարելի ասել, որ դա կարող է կանխարգելիչ նշանակություն ունենալ։ Բոլոր դեպքերում՝ ես պատերազմի հավանականությունը ցածր եմ համարում՝ անկախ էդ միջոցառումից։ Կարծում եմ՝ մենք ամեն օր այդ պատերազմի հավանականությունն ավելի ենք փոքրացնում»։

Ինչ վերաբերում է COP 29-ի ընթացքում փաստաթղթի ստորագրմանը՝ Աղազարյանն ասաց, որ ինքը նման փաստաթղթի ստորագրման հավանականություն չի տեսնում։ «Իհարկե, մոտ ենք, բայց ոչ այդքան»,-ասաց Աղազարյանը։

Այս թեմայով «Ժողովուրդ». Հովիկ Աբրահամյանի եղբայրը Հակակոռուպցիոն կոմիտեում ինքնախոստովանական ցուցմունք է տվել Քիչ առաջ ձերբակալել են նախկին վարչապետ Հովիկ Աբրահամյանի եղբորը․ ArmLur.am Նիկոլ Փաշինյանը խնդիր չունի, դա լավ իմացեք ընդդիմություն համայն՝ Քոչարյանին ձերբակալելով ինքը «զապիվատ» արեց ժողովրդի վստահությունը․ Հովիկ Աղազարյան Նախաքննական մարմնին ուղղակի պետք էր փակի տակ պահել. Նոր մանրամասներ նախկին վարչապետի որդու գործով Իմ տղան էդ որակի տղա չի, թող քննությունը պարզի. Հովիկ Աբրահամյանը՝ որդու կալանավորման մասին