Բուհերում թափուր մնացած տեղերի լրացուցիչ մրցույթի հայտագրման գործընթացն սկսվել է

Գնահատման և թեստավորման կենտրոնը հուլիսի 20-ից կազմակերպում է լրացուցիչ մրցույթի (բուհերում թափուր մնացած տեղերի) հայտագրման գործընթացը: Այս մասին տեղեկանում ենք ԳԹԿ-ից:

Dimord.am կայքէջում դիմում-հայտ կարող են ներկայացնել ինչպես հիմնական մրցույթից դուրս մնացած դիմորդները, այնպես էլ հիմնական մրցույթին չմասնակցած, սակայն միասնական քննություններից դրական միավորներ ունեցողները: Թափուր տեղերի մրցույթին մասնակցող դիմորդը կարող է հայտագրել մեկ կամ ավելի բուհի մինչև վեց մասնագիտություն, եթե այդ մասնագիտություններում առկա են թափուր տեղեր, և այդ մասնագիտությունների համար սահմանված միասնական քննություններից ունի դրական միավորներ:

Հայտագրման գործընթացը կավարտվի հուլիսի 26-ին, ժամը 18:00-ին: Լրացուցիչ մրցույթը կամփոփվի հուլիսի 30-ին: Մրցույթի կազմակերպման ընթացքում նախապատվությունը տրվելու է հիմնական մրցույթից դուրս մնացած դիմորդներին:

Այս թեմայով Բուհերում սեռական պատկերը մտահոգիչ է, 4-ից 1-ն է տղա, չե՞ք ուզում գրավիչ դարձնեք նրանց համար Գիտե՞իր, որ Շտապ օգնության կանչ տալով կարող ես ծառայել, որպես «Հայբուսակի» օրդինատորների փորձադաշտ ՀՖԿՍՊԻ 80-ամյակի միջոցառումներըը եզրափակվեցին «Արամ Խաչատրյան» համերգասրահում տեղի ունեցած հանդիսավոր համերգով Քանի՞ դիմորդ է այս տարի ընդունվել բուհ․ թափուր է մնացել 1,174 տեղ 2018-2019 թ֊ին խոստանում էին, որ բուհերի կառավարման խորհուրդներում չպիտի լինեն քաղաքական կուսակցության կամ պաշտոններ զբաղեցնող անձինք