Վիտամինային աղցան. Օրվա բաղադրատոմս

Ավել»–ը, որը հայտնի է նաև որպես «Խոզանակ», թեթև, դիետիկ, վիտամինային աղցան է, որն իր անվանումն ստացել է օրգանիզմը տոքսիններից և թափոններից արդյունավետ մաքրելու ունակության համար՝ դրանով իսկ նպաստելով քաշի կորստին և վերականգնելով մարմնի բնականոն գործունեությունը:

Պատրաստման բազային տարբերակում աղցանը բաղկացած է միայն երեք հիմնական բաղադրիչներից՝ սպիտակ կաղամբ, ճակնդեղ և գազար։ Որպես սոուս ավելացվում է մի քիչ անուշաբույր չզտված արևածաղկի ձեթ և կիտրոնի հյութ։ Ցանկության դեպքում հիմնական բաղադրիչներին ձեր ճաշակով կարող եք ավելացնել մի քիչ սխտոր, թարմ խոտաբույսեր, խնձոր կամ նեխուր։

Չնայած իր թեթև, մի փոքր ասկետիկ բաղադրությանը՝ աղցանը պարունակում է բազմաթիվ վիտամիններ, օգտակար միկրոէլեմենտներ և մանրաթելեր, հիանալի հագեցնող է ու ստացվում է հյութալի և գունեղ։ Փորձեք:

Բաղադրիչները

Սպիտակ կաղամբ՝ 300 գ
Բազուկ՝ 100 գ
Գազար՝ 100 գ
Չզտված բուսական յուղ՝ ըստ ճաշակի
Կիտրոնի հյութ՝ ըստ ճաշակի
Խնձոր՝ 1 հատ. (ըստ ցանկության)
Սխտոր՝ 1 պճեղ (ըստ ցանկության)
Թարմ կանաչեղեն՝ ըստ ցանկության
Աղ՝ ըստ ցանկության
Աղացած սև պղպեղ՝ ըստ ցանկության։

Պատրաստման եղանակը

Կաղամբը կտրատեք բարակ շերտերով։

Բազուկն ու գազարը քերեք կամ կտրատեք բարակ երկար խորանարդիկների։

Բանջարեղենը լցրեք ամանի մեջ, խառնեք և ձեռքերով թեթև սեղմեք, որպեսզի հյութը դուրս գա և մի փոքր փափկի։

Ավելացրեք բուսական յուղն ու կիտրոնի հյութն ըստ ճաշակի և ամեն ինչ նորից լավ խառնեք։

Ցանկության դեպքում աղցանին կարող եք ավելացնել նաև քերած խնձոր, մանր կտրատած սխտոր և մի քանի թարմ կանաչեղեն։

Եթե «Ավել» աղցանը պատրաստում եք որպես վիտամիններով հարուստ, առողջ հավելում ձեր հիմնական սննդակարգին կամ թեթև կողմնակի ճաշատեսակին, ապա կարող եք աղցանը համեմել մի քիչ աղով ու աղացած սև պղպեղով և նույնիսկ շաղ տալ մի բուռ դդումի, արևածաղկի կամ քնջութի սերմեր։ Աղցանի դիետիկ տարբերակը խորհուրդ է տրվում պատրաստել առանց աղի և այլ հավելումների։

Բանջարեղենային «Ավել» աղցանը պատրաստ է։

Այս թեմայով Օրվա խորհուրդ. Սեպտեմբերի 18 Օրվա խորհուրդ. Սեպտեմբերի 17 Օրվա խորհուրդ. Սեպտեմբերի 16 Ռուսաստանի դեմ ռազմական գործողությունների դեպքում Վարշավան կանհետանա 2-3 օրվա ընթացքում. Պատրուշև Օրվա խորհուրդ. Սեպտեմբերի 15