Դանակահարել են հորը, հորաքրոջ ամուսնուն և հորեղբորը․ ոստիկանություն

Հուլիսի 17-ի ժամը 22.25-ին ՆԳՆ ոստիկանության Սյունիքի մարզի օպերատիվ կառավարման կենտրոն զանգած քաղաքացին հայտնել է, որ Կապան քաղաքի հանգստի կենտրոններից մեկում դանակահարել են հորը, հորաքրոջ ամուսնուն և հորեղբորը:

Այդ մասին հայտնում են ՆԳՆ ոստիկանությունից։

Ահազանգով ոստիկանության Կապանի բաժնից օպերատիվ խումբ է մեկնել:

Պարզվել է, որ նշված վայրում հանգստացող երկու խմբերի միջև վիճաբանություն է սկսվել, որի ընթացքում էլ մասնակիցներից մեկը մարմնական վնասվածքներ է պատճառել Քաջարան քաղաքի երեք բնակիչների, որոնք տեղափոխվել են հիվանդանոց:

Ձեռնարկված օպերատիվ-հետախուզական միջոցառումներով պարզվել է, որ հայհոյանք հնչեցնելու հարցի շուրջ վիճաբանություն է ծագել մի կողմից՝ Կապանի վեց, մյուս կողմից՝ Քաջարանի չորս բնակչի միջև: Վիճաբանությունը վեր է ածվել ծեծկռտուքի ու փոխադարձ հայհոյանքների. արդյունքում տևական ժամանակ խախտվել է հասարակական կարգը: Այդ ընթացքում էլ Կապանի 27-ամյա բնակչուհին սեղանից վերցնելով խոհանոցային դանակը՝ հարվածել է քաջարանցի երեք տղամարդկանց, որոնցից մեկն էլ ընկնել ու կոտրել է դաստակը:

Վիճաբանության կապանցի մասնակիցները ներկայացվել են բաժին: Դանակահարողը և երեք անձ ձերբակալվել են:

Կազմված փաստաթղթերն ուղարկվել են Սյունիքի մարզային քննչական վարչություն:

Հանգամանքները պարզվում են։

Այս թեմայով Դանակահարել են 38 երթուղին սպասարկող հանրային տրանսպորտի վարորդին Անհաջող կատակ անելու համար դանակահարել է ընկերոջն ու դանակը նետել աղբամանը. մանրամասներ դեպքից Գյումրիում 70-ամյա մարզիչը սպառնացել է սպանել մարզուհուն Ադրբեջանցին ՀՌՕ մեկնելու պայմանագիր է կնքել ՌԴ ՊՆ-ի հետ, սակայն դասալքել է և Սանկտ Պետերբուրգում մարդու դանակահարել ՎԻԴԵՈ․ 15 տարեկան աղջիկը սպանել է հորը՝ քրոջը բռնության ենթարկելու համար․ կադրեր դեպքի վայրից