Հերթը Հայաստանի ու հայ ժողովրդի հավաքական ապագայինն է

Արտակ Զաքարյանը գրում է

Նիկոլն իր ներքին և արտաքին դավադրություններով, պլանավորված կերպով Ալիևին տվեց քաղաքական, դիվանագիտական, ռազմական և քարոզչական բավարար հնարավորություններ, որպեսզի վերջինս ընդամենը երեք տարում կարողանա լիովին օկուպացնի և հայաթափի հազարամյա հայկական Արցախը: 

Հերթը Հայաստանի ու հայ ժողովրդի հավաքական ապագայինն է: Այժմ Նիկոլն ամեն ինչ անում է, որպեսզի Թուրքիան հնարավորություն ստանա առաջին, իսկ հարմար աշխարհաքաղաքական առիթի դեպքում նոր ցեղասպանության և էթնիկ զտումների ենթարկի Հայաստանի Հանրապետությանը:  

Սերժ Սարգսյանի, Ռոբերտ Քոչարյանի, Լևոն Տեր-Պետրոսյանի իշխանության տարիներին, Հայոց Ցեղասպանության ճանաչման ու դատապարտման միջազգային աղմուկից խուսանավող և պաշտպանվող Թուրքիան՝ այսօր առիթ և ճանապարհներ է փնտրում Հայկական գործոնը տարածաշրջանից ընդմիշտ վերացնելու համար: 

Նիկոլն այս ամենը  լավ գիտի: Ավելին, նա իր քաղաքականությամբ տալիս է համապատասխան առիթներն ու օգնում ապահովելու նրանց «ալիբին» այնպես՝ ինչպես դա արեց Արցախը հանձնելու և արմատապես էթնիկ զտումերի ենթարկելու պարագայում:

Արտաքին շահերի բախման խաչմերուկում  գտնվող պետություններում չի կարելի իշխանություն վստահել դրսի աջակցությամբ եկած և դրսի ուժերին ծառայող կերպարներին: Դրանք ի սկզբանե պոտենցիալ դավաճաններ են, և իշխանությունը զավթելով՝ դառնում են նաև տվայլ երկրի հիմնական սպառնալիքը:

Այս թեմայով Սա քո սեփական «հայաթը» չի, որ ինչ ուզես անես. Արտակ Արամյան Հարգելի՛ պարոն Մակրոն, ուզում եք Ձեր Նիկոլին ամեն կերպ մաքուր դուրս բերել, բայց դա մի՛ արեք հայ ժողովրդի հաշվին. Զաքարյան Էմանուել Մակրոնի սուտը. Արտակ Զաքարյան Հայաստանի որոշ բնակիչներ ուրախացել են, որ «քաղաքից լիքը մարդ» է եկել. Արտակ Զաքարյան Ներկայիս իրավիճակը փակուղային է. Արտակ Զաքարյան