ՍԱՍ սուպերմարկետը Եհովայի վկաների պաշտոնական մատակարա՞ր

Ըստ շրջանառվող լուրերի` ՍԱՍ սուպերմարկետը, որը պատկանում է հայտնի օլիգարխ ՍԱՍ-ի Արտակին, Եհովայի վկաների պաշտոնական մատակարար է դարձել` վերջիններիս հավաքի ժամանակ Եղվարդում հունիս-հուլիս ամիսներին: Այդ մատակարարից հավաքին հասցվում էին տարբեր բրդուճներ, սենդվիչներ եւ այլն:

Նշենք, որ հավաքին մասնակից էր մոտ 6000 հոգի, որոնցից կեսը Հայաստանից էր, իսկ կեսը` արտասահմանից: Հավաքի վայրում դրված էին բազմաթիվ հսկայական վրաններ, որտեղ ապրում էին հյուրերը: Հավաքը տեղի ունեցավ երեք փուլով` բացումը հունիսի 28-ին, այնուհետեւ առաջին նստաշրջանը՝ հուլիսի 5-7-ը եւ երկրորդ նստաշրջանը՝ հուլիսի 12-14-ը:

Աղանդավորների հավաքի նպատակն էր անցկացնել մի շարք սեմինարներ, դասընթացներ` այդ աղանդի տարածման նպատակով:

Նշենք նաեւ, որ միջոցառումը եղել է փակ, լրագրողներին արգելված էր մուտքը, ինչպես նաեւ արգելված էր հեռախոսներով տեսանկարահանումը:

Հայտնի է, որ այդ մեծ հավաքի համար Եհովայի վկաների առաջնորդները դիմել էին մի շարք երկրների, սակայն մերժում էին ստացել: Նշենք, որ բազմաթիվ երկրներում Եհովայի վկաները հայտարարված են որպես տոտալիտար աղանդ եւ նրանց գործունեությունը արգելված է: Մասնավորապես` այդպիսին է իրավիճակը Ռուսաստանում: Սակայն Հայաստանը ոչ միայն տվեց իր համաձայնությունը, այլ նաեւ ընդունեց Եհովայի վկաներին մեծ շուքով: Նիկոլը անձամբ է այցելել միջոցառման բացման արարողությանը, եւ դա արել է կոնկրետ քաղաքական նպատակներով: Բանն այն է, որ այդ հավաքը տեղի է ունեցել այն ժամանակ, երբ հականիկոլական շարժումը Հայաստանում հասել էր իր բարձրակետին: Նիկոլը այս քայլով ցույց տվեց, որ նա դեմ է Հայ Առաքելական եկեղեցուն եւ աջակցում է աղանդավորականներին: Եվ եթե Եհովայի վկաները Հայաստանում կարող են Նիկոլին տալ 10-15 հազար ձայն, որը քիչ չէ, ապա սա նշան էր նաեւ այլ աղանդավորներին, որոնք Նիկոլին ընտրություններում կարող են ապահովել մինչեւ 250-ից անգամ 300 հազար ձայն:

Հատկանշական է, որ այդ խայտառակ միջոցառումը անց է կացվել Կոտայքի մարզում: Այդ թեմի առաջնորդ Տ. Առաքել Քարամյանը ակտիվորեն աջակցում է Նիկոլին եւ անմիջական կապ ունի նիկոլական իշխանության հետ: Ավելին, ըստ լուրերի, նա կուսակրոն չէ եւ ապօրինի է զբաղեցնում թեմի առաջնրոդի դիրքը:

Ինչ վերաբերվում է արքեպիսկոպոս Բագրատ Գալստանյանին, ապա զարմանալիորեն նա նույնպես չանդրադարձավ եհովայականների այս խայտառակ հավաքին եւ «Իրավունքի» այն հարցին, թե ինչու նա չի դատապարտում աղանդավորների գործունեությունը Հայաստանում, տվեց խուսափողական պատասխան:

Ինչ վերաբերվում է ՍԱՍ-ի Արտակին, ապա հայտնի է, որ նա չունի ոչ մի քաղաքական սկզբունք, իսկ հիմա էլ պարզ դարձավ, որ չունի նաեւ կրոնական: Հիշեցնենք, որ ՍԱՍ-ի Արտակը «Հանրապետական» խմբակցության անդամ էր: Իր պատգամավորական գործունեության 7 տարիների ընթացքում անգամ մեկ բառ խոսափողից չի արտաբերել: Սակայն 2018 թվականի մայիսին արագորեն նետվել է Նիկոլի գիրկը եւ կողմ քվեարկել Նիկոլի վարչապետ լինելուն: Դրա շնորհիվ Նիկոլի հաթաթաները, թե իբր պետք է նախկինների օլիգարխներին ունեզրկի, ՍԱՍ-ի Արտակին որեւէ կերպ չանդրադարձան: Նիկոլի օրոք նա ակտիվորեն շարունակեց զարգացնել եւ ընդլայնել իր բիզնեսը, ժամանակ առ ժամանակ մուծումներ կատարելով Աննա Հակոբյանի ֆոնդերին եւ դրամահավաքներին: Ահա այսպիսին է իրավիճակը Հայաստանում, երբ իշխանությունները, օլիգարխները եւ աղանդավորները միասնական ջանքերով ոչնչացնում են եկիրը, իսկ Հայ Առաքելական եկեղեցին, ցավոք, գոնե այս դրվագում մնացել է պասիվ դիտորդի կարգավիճակում:

Ա. Հովհաննիսյան

Այս թեմայով «Շրջիկ պատարագ»-ին այսօր եկել են նաև եկեղեցու դեմ պայքարին միացած Արտակ եպիսկոպոս Տիգրանյանն ու Վազգեն արքեպիսկոպոս Միրզախանյանը Հույս ունեմ՝ կզղջան, հետ կդառնան սխալ ճանապարհից, միաբանված կպաշտպանեն Եկեղեցին․ Արտակ Բեգլարյա Ձերբակալվել է ԵԿՄ-ական «Մասիվցի Գիժ Ավոյի» թոռը եւ նրա ընկերը Արտակ Ջումայանն ազատվել է առողջապահության նախարարի տեղակալի պաշտոնից «Փաստ». Միայն ԳՇ պետ Արտակ Դավթյանը եւ պաշտպանության նախարար Վաղարշակ Հարությունյանը կարող էին դիրքերը հանձնելու հրաման տալ